Cosmetic Surgery : तरुणींमध्ये झपाट्याने वाढतोय कॉस्मेटिक सर्जरीचा ट्रेंड, परफेक्ट करत आहेत लाखोंचा खर्च!

पुणे : गेल्या काही वर्षांत सोशल मीडियाचा प्रभाव वाढला आणि त्यानुसार तरुण पिढीची सौंदर्याविषयीची अपेक्षा व दृष्टिकोनही बदलला. पूर्वी प्रामुख्याने 50 वर्षांनंतर अँटी-एजिंगसाठी केल्या जाणाऱ्या कॉस्मेटिक सर्जरी आज 18 ते 30 वयोगटातील तरुणी मोठ्या प्रमाणावर करून घेत आहेत. फेसलिफ्ट, लिपोसक्शन, फिलर्स, बोटॉक्स आणि चेहरा अधिक आकर्षक दिसण्यासाठी विविध प्रकारच्या सर्जरींना तरुणींची वाढती पसंती दिसून येत आहे. या सर्जरींसाठी लाखो रुपये खर्च करून परिपूर्ण दिसण्याची धडपड तरुणाईमध्ये वाढत चालली आहे.