Success Story : दीड एकरात 700 झाडांची लागवड, शेतकऱ्याने केली यशस्वी सीताफळ शेती, वर्षाला लाखोंची कमाई

सोलापूर : शेतकरी शेतात नवनवीन प्रयोग करत आहेत. सोलापूर जिल्ह्यातील मोहोळ तालुक्यातील येवली गावात राहणारे शेतकरी दत्तात्रय दळवी यांनी असाच एक प्रयोग केला आहे. दोन वर्षांपूर्वी दत्तात्रय यांनी दीड एकरात NMK गोल्ड या जातीच्या सीताफळाची लागवड केली आहे. या लागवडीसाठी त्यांना एक ते दोन लाख रुपयांचा खर्च आला आहे. तर दोन वर्षांत त्यांनी सीताफळ विक्रीतून खर्च वजा करून 6 लाख रुपयांचे उत्पन्न घेतले आहे. त्या संदर्भात अधिक माहिती दत्तात्रय दळवी यांनी लोकल 18 शी बोलताना दिली.