अमेरिका, इस्त्रायलचा अंदाज चुकला; इराणची युद्धाची तयारी कधीपासून करतोय?

इराणची लढाई पारंपरिक युद्धावर आधारित नसून बहुस्तरीय रणनीतीवर आधारित आहे. इराणने या युद्धात कोणत्या तीन प्रमुख पद्धती वापरल्या आहेत. मिसाईल आणि ड्रोन हल्ले, हिजबुल्लाह सारख्या दहशतवादी गटांची मदत आणि समुद्री मार्गावर नियंत्रण मिळवून इराणनं आघाडी घेतली. पश्चिम आशियात तणाव वाढल्यानंतर इराण आणि इस्त्रायल यांच्यातील संघर्ष उघडपणे समोर आला.

अमेरिकेनं इस्त्रायलला लष्करी आणि तांत्रिक मदत दिल्यानंतर परिस्थिती अधिकच गंभीर झाली. दोन्ही देशांच्या हल्ल्यात इराणचे सुप्रीम लीडर अली खामेनी यांचा मृत्यू झाला. तरीही इराणने माघार घेतलेली नाही. इराणला युद्ध परिस्थितीला तोंड देण्याची तयारी 30 वर्षांपूर्वीच सुरू केली होती. त्या दृष्टीनं इराणनं संरक्षणसिद्धता केली होती. इतकंच नव्हे तर इराणची लढाई पारंपरिक युद्धावर आधारित नसून बहुस्तरीय रणनीतीवर आधारित आहे. इराणने या युद्धात कोणत्या तीन प्रमुख पद्धती वापरल्या आहेत. मिसाईल आणि ड्रोन हल्ले, हिजबुल्लाह सारख्या दहशतवादी गटांची मदत आणि समुद्री मार्गावर नियंत्रण मिळवून इराणनं आघाडी घेतली. इराणच्या शक्तीचा अंदाज अमेरिका आणि इस्त्रायलला आलाच नाही.

इराणची लष्करी क्षमत वाढलेली आहे. इराणने स्वतःची मिसाईल आणि ड्रोन क्षमता मोठ्या प्रमाणात वाढवली. इराणने अनेक दहशतवादी गटांना प्रोत्साहन दिलं. त्यामुळे इराणला मदत झाली. अमेरिका आणि इस्त्रायलला जलद विजयाची अपेक्षा असताना युद्ध लांबलं. अमेरिका आणि इस्त्रायलची दीर्घकालीन युद्धाची तयारी नव्हती. या गंभीर चुका दोन्ही देशांना महागात पडल्या.

इराणची भौगोलिक रचना पाहिली तर मोठा भूभाग आणि डोंगराळ प्रदेश तिथे आहे. तसंच स्वदेशी शस्त्रनिर्मिती करून इराणनं ताकद वाढवली आहे. तेलात आत्मनिर्भर असल्यामुळे इराणचं बळ अनेक पटींने वाढतं. त्यामुळे अमेरिका आणि इस्त्रायला इराणवर पूर्ण लष्करी विजय मिळवणं शक्य झालं नाही.