बापरे! 425 वर्षांपूर्वीचं ते संकट पुन्हा येतंय? शास्त्रज्ञांची थरकाप उडवणारी भविष्यवाणी

कॅस्केडिया झोन हा उत्तर व्हँकुव्हर बेटापासून उत्तर कॅलिफोर्नियापर्यंत पसरलेला आहे आणि तो पृथ्वीवरील सर्वात शक्तिशाली भूकंपीय झोन मानला जातो. सतराव्या शतकात इथं सुमारे 9 रिश्टर स्केल तीव्रतेचा एक मोठा भूकंप झाला, ज्यामुळे किनारपट्टी समुद्रसपाटीपासून काही फूट खाली गेली आणि त्सुनामी आली.

425 वर्षांपूर्वी घडलेली ही घटना. ज्यामुळे संपूर्ण भूगोल बदलून गेला होता. ओरेगॉन किनाऱ्यालगतच्या परिसरात अलीकडेच झालेल्या अनेक भूकंपांमुळे शास्त्रज्ञ आणि नागरिकांमध्ये त्याच मोठ्या भूकंपाच्या आणि धोक्याच्या आठवणी पुन्हा एकदा ताज्या झाल्या आहेत, ज्यामुळे ओरेगॉनचा नकाशा बदलला. आता पुन्हा 425 वर्षांपूर्वीसारख्याच भूगोल बदलू शकणाऱ्या नैसर्गिक आपत्तीचे संकेत जगाला जाणवत आहेत. तज्ज्ञांनी इशारा दिला आहे की जर ही घटना आता घडली तर 100 फूट उंचीची त्सुनामी निर्माण होईल आणि किनारी भागात मोठ्या प्रमाणात विनाश होईल.

फेडरल इमर्जन्सी मॅनेजमेंट एजन्सी म्हणजेच फेमाचा अंदाज आहे की अशा भूकंप आणि वादळामुळे किमान 5800 लोकांचा मृत्यू आणि 100000 लोक जखमी होऊ शकतात. केवळ त्सुनामीमुळे 8000 लोकांचा मृत्यू होऊ शकतो आणि सुमारे 134 अब्ज डॉलर्सचं आर्थिक नुकसान होऊ शकतं. एका अभ्यासात असा इशारा देण्यात आला आहे की जर समुद्राच्या पृष्ठभागाची धूप झाली आणि समुद्राची पातळी वाढली तर किनारी भाग मोठ्या प्रमाणात पाण्याखाली जाऊ शकतात.