OMG! प्रेग्नंट महिलेला पाहून डॉक्टरही आश्चर्यचकीत झाले, नवरा-बायकोसमोर 'हातच जोडले', पण का?

काय वाचूनच तुम्हाला धक्का बसला ना? झाडोल कम्युनिटी हेल्थ सेंटरचे स्त्रीरोगतज्ज्ञ रोशन दरंगी म्हणाले की, जेव्हा रेखाला दाखल करण्यात आलं तेव्हा कुटुंबाने सांगितलं की त्यांचं चौथे अपत्य आहे. नंतर कळलं की हे त्यांचं सतरावं अपत्य आहे.

रेखाची आधीच 16 मुलं, ज्यापैकी 5 जणांचं लग्न झालं आहे. तर 4 मुलं आणि एका मुलीचा जन्म झाल्यानंतर काही वेळातच मृत्यू झाला होता.

रेखाचा नवरा कवारा कालबेलिया म्हणतात की त्यांच्याकडे राहण्यासाठी घर नाही आणि ते मुश्किलने उदरनिर्वाह करत आहेत. त्यांच्या मुलांना उदरनिर्वाह करण्यासाठी त्यांना सावकारांकडून 20% व्याजदराने पैसे घ्यावे लागत होते. त्यांनी आतापर्यंत लाखो रुपये भरले आहेत, पण व्याज पूर्ण भरलेलं नाही.

वाढत्या लोकसंख्येवर नियंत्रण ठेवण्यासाठी सरकारने वर्षांपूर्वी 'हम दो हमारे दो'चा नारा दिला होता. आरोग्य विभाग दरवर्षी जनतेला याबद्दल जागरूक करण्यासाठी कोट्यवधी रुपये खर्च करतो. पण राजस्थानातील उदयपूर जिल्ह्यातील आदिवासी भागातील झाडोल सामुदायिक आरोग्य केंद्राचं हे चित्र सर्वांनाच आश्चर्यचकित करतं. आता रेखा आणि तिच्या पतीला नसबंदीबद्दल जागरूक केलं जाईल. जेणेकरून भविष्यात अशी परिस्थिती टाळता येतील.