Air India Plane Crash AAIB Report : बस्सं फक्त या एका फोटोमुळे सगळं समजलं, अहमदाबाद विमान अपघाताचं रहस्य उलगडलं

फोटो दोन भागात आहे. डावीकडील फोटोत विमानाच्या कॉकपिटमध्ये थ्रस्ट लीव्हर्स आणि फ्युल कंट्रोल दिसत आहे. विमान अपघातात थ्रस्ट लीव्हर्स पूर्णपणे नष्ट झाले आहेत. हे गंभीर नुकसान दर्शवतं. रिपोर्टमध्येही कटऑफ स्विच बंद झालं त्यामुळे इंधन पुरवठा थांबला होता, याकडे इशारा करण्यात आला आहे. तर उजवीकडील फोटो एखाद्या योग्य असं कंट्रोल पॅनलचं आहे. त्यात थ्रस्ट लीव्हर्स आणि इंधन कट ऑफ स्विचेस आहेत. ते इंजिन पॉवर आणि इंधन पुरवठा नियंत्रित करण्यासाठी वापरलं जातं. हे योग्य विमानाचं कंट्रोल पॅनेल आहे.

AAIB च्या अहवालानुसार, इंजिन 1 आणि इंजिन 2 चे इंधन स्विच काही सेकंदात 'रन' स्थितीत आलं. दोन्ही इंजिनचे EGT वाढलं, जे सूचित करतं की रिलाईट प्रक्रिया सुरू झाली. म्हणजेच, इंजिन पुन्हा सुरू झालं. इंजिन 1 यशस्वी झाले, परंतु दुसरं इंजिन सुरू होऊ शकलं नाही. कॉकपिट व्हॉइस रेकॉर्डिंगवरून असं दिसून येतं की वैमानिकांमध्ये गोंधळ होता. एका वैमानिकाने विचारलं, 'तुम्ही का कट ऑफ केला?' यावर दुसऱ्या वैमानिकाने उत्तर दिलं, 'मी ते केले नाही.' हे कदाचित गैरसमज दर्शवतं.