ही कॉफी पिण्याइतके धाडसी आहात? वरून कॉकरोच पावडर, आत मीलवॉर्म्स; चीनमध्ये विचित्र पेयांची विक्री

होय, चीनची राजधानी बीजिंग इथे एका कीटक-थीम असलेल्या संग्रहालयाने एक अजब ड्रिंक लॉन्च केलं आहे.‘कॉकरोच कॉफी’ आणि इंटरनेटवर याच्याच चर्चा सुरू आहेत.

द कव्हर या न्यूज पोर्टलनुसार, ही कॉफी चाखणाऱ्यांचं सांगणं आहे की तिचा स्वाद स्मोकी आणि थोडासा आंबट असतो.

बीजिंगमधील एका कीटक-आधारित थीम असलेल्या संग्रहालयाच्या कॉफी शॉपमध्ये ही कॉकरोच कॉफी विक्रीसाठी उपलब्ध आहे. एका कपची किंमतही साधारण 45 युआन (सुमारे ₹500) आहे. संग्रहालयाचं नाव मात्र जाहीर करण्यात आलं नाही. संग्रहालयातील एका कर्मचाऱ्याने सांगितलं की जूनच्या शेवटी हा ड्रिंक लॉन्च करण्यात आला आणि अलीकडेच तो इंटरनेटवर जोरदार ट्रेंड होऊ लागला.

TCM च्या रिसर्जनुसार कॉकरोच पावडर रक्ताभिसरण सुधारण्यासाठी वापरली जाऊ शकते. मीलवॉर्म्स शरीराची रोगप्रतिकारक शक्ती वाढवण्यात मदत करतात.

बीजिंगमधील ब्लॉगर चेन शी यांना फॉलोअर्सच्या आग्रहावरून ही कॉफी चाखावी लागली. त्यांनी डोळे बंद करून ती पटकन पिऊन टाकली आणि म्हणाले “अरे, इतकं भयानक तरी नाहीय.” इंटरनेटवर या ड्रिंकवर लोकांची प्रतिक्रिया मिश्र आहेत. काहींना हा आयडिया भन्नाट वाटतो तर काही म्हणतात, “पैसे दिले तरी मी ही कॉफी नाही पिणार”. पण चीनमध्ये अशा विचित्र आणि अपारंपरिक कॉफीज येणं नवीन नाही. तिथे क्रिएटिव ड्रिंक्स नेहमीच चर्चेत राहतात.