Trending:

बोट कापलं, रक्तानं उशीवर लिहिलं 110... बंद खोलीत अडकलेल्या महिलेसाठी 'देव' बनून आला डिलिव्हरी बॉय

Published by:Devika Shinde

Last Updated:August 25, 2025 4:55 PM IST

कॉलेज विद्यार्थी, जो डिलिव्हरीचे काम करतो, तो रस्त्याने जात होता. त्याला रस्त्याच्या कडेला एक जुना, मळकी पांढरी उशी दिसला. त्यावर लाल रंगाने “110 625” असे लिहिलेले होते.

इम्पॅक्ट शॉटतुमचा गेटवे लेटेस्ट न्यूज

मुंबई : एका डिलिव्हरी बॉयच्या चातुर्यामुळे आणि प्रसंगवधानामुळे एका महिलेचे प्राण वाचले. तब्बल 30 तासांहून अधिक काळ ती महिला खोलीत अडकून पडली होती. महिलेची सुटका केवळ एका छोट्याशा इशाऱ्यामुळे झाली. आता तुम्हाला हे ऐकून नक्कीच आश्चर्य वाटलं असेल आणि असं काय घडलं? असा प्रश्न तुम्हाला पडला असेल, चला काय घडलं? जाणून घेऊ.

घटना कशी घडली?

12 ऑगस्ट रोजी लुशान शहरात जांग नावाचा कॉलेज विद्यार्थी, जो डिलिव्हरीचे काम करतो, तो रस्त्याने जात होता. त्याला रस्त्याच्या कडेला एक जुना, मळकी पांढरी उशी दिसला. त्यावर लाल रंगाने “110 625” असे लिहिलेले होते. जांगला वाटले हा एखाद्या धोक्याचा संदेश असू शकतो. त्याने लगेच पोलिसांना कळवले.

पोलिसांनी “625” हा नंबर कदाचित खोली क्रमांक असावा असा अंदाज लावला. चौकशीदरम्यान एका हॉटेल कर्मचाऱ्याने सांगितले की ती उशी जवळच्या होमस्टेची आहे. त्यानंतर पोलिसांनी बिल्डिंग क्रमांक 6 च्या 25व्या मजल्यावर जाऊन दार तोडले.

दार उघडल्यानंतर पोलिसांना आश्चर्याचा धक्का बसला. आत एक महिला अडकली होती. तिने सांगितले की, साफसफाई करताना जोरदार वाऱ्याने दार आपटून बंद झाले. आतल्या बाजूने लॉक खराब असल्याने ती बाहेर पडू शकली नाही. मोबाइल देखील हॉलमध्ये राहिल्याने ती मदतही मागू शकली नाही असं तिने सांगितलं. या महिलेचं नाव जूने आहे.

जूने मदतीसाठी खिडकीतून पाय हलवले, लाल कापड टांगले, पण काहीच उपयोग झाला नाही. शेवटी निराश होऊन तिने स्वतःचे बोट कापले आणि रक्ताने उशीवर “110 625” लिहिले आणि ती खिडकीतून खाली फेकली. ती तब्बल 30 तास उपाशीपोटी, पाण्याशिवाय आणि बोट कापल्यामुळे वेदनेत अडकून होती. माहिती मिळताच पोलिसांनी तिला सुरक्षित बाहेर काढलं.

जूने वाचवल्याबद्दल जांगला बक्षीस द्यायचे ठरवले, पण त्याने नम्रपणे नकार दिला. त्यानंतर जांगच्या डिलिव्हरी कंपनीने त्याला २,००० युआन (सुमारे ३.८ लाख वॉन) बक्षीस दिले.

जांगच्या या कृतीची स्थानिक सोशल मीडियावर भरभरून प्रशंसा होत आहे. लोक म्हणत आहेत. “त्याने धोका त्वरित ओळखला” आणि “असा जबाबदार माणूस सर्वत्र असावा.”

ही घटना दाखवते की कधी कधी छोटासा संकेतही एखाद्याचे प्राण वाचवू शकतो.

view comments

Location :

Mumbai,Maharashtra

First Published :

August 25, 2025 4:55 PM IST

बोट कापलं, रक्तानं उशीवर लिहिलं 110... बंद खोलीत अडकलेल्या महिलेसाठी 'देव' बनून आला डिलिव्हरी बॉय