डॉक्टरचं भयानक कृत्य! चोरायचा महिलांच्या शरीराचा खास अवयव आणि...
- Published by:Priya Lad
Last Updated:
Doctor steals organ : डॉक्टर हा खूप जबाबदारीचा व्यवसाय असला तरी काही लोक त्याचा चुकीचा फायदा घेतात. आज अशाच एका डॉक्टरची कहाणी आहे, ज्याने आपल्या रुग्णांच्या विश्वासाचा वापर स्वतःच्या फायद्यासाठी केला.
नवी दिल्ली : डॉक्टर ज्यांना देव मानलं जातं. याचं एकच कारण आहे, जर देव जीवन देतो आणि डॉक्टरांकडे जीवन वाचवण्याचं कौशल्य असेल. कोणतीही शारीरिक समस्या असो आपण डॉक्टरकडे जाताच आपल्याला त्यातून आराम मिळेल असं गृहीत धरतो. तथापि कधीकधी हे डॉक्टर सैतान देखील बनतात. डॉक्टर होण्याचा व्यवसाय हा खूप जबाबदारीचा व्यवसाय असला तरी काही लोक त्याचा चुकीचा फायदा घेतात. आज अशाच एका डॉक्टरची कहाणी. ज्याने आपल्या रुग्णांच्या विश्वासाचा वापर स्वतःच्या फायद्यासाठी केला.
चीनमधील रेणुई जियुडू मॅटर्निटी हॉस्पिटलमधून एक अतिशय विचित्र प्रकरण समोर आलं आहे. साउथ चायना मॉर्निंग पोस्टच्या वृत्तानुसार इथं सर्जन म्हणून काम करणारा डॉक्टर महिलांच्या शरीरातील अवयव चोरायचा. तो महिलांना डिलीव्हरी करण्यात मदत करायचा. या काळात तो बाळाच्या जन्मानंतर महिलेच्या शरीरातून बाहेर पडणारी प्लेसेंटा चोरायचा आणि कचऱ्याच्या पिशवीत लपवायचा. जेव्हा तो सीसीटीव्हीमध्ये हे करताना दिसला तेव्हा कर्मचाऱ्यांना धक्का बसला.
advertisement
प्लेसेंटा हा प्रत्यक्षात गर्भधारणेदरम्यान महिलांच्या शरीरात तयार होणारा अवयव आहे. यातूनच बाळाला पोषण मिळते आणि प्रसूतीनंतर ते बाहेर फेकलं जातं. चिनी औषधांमध्ये याचा वापर केला जात असे कारण जुन्या चिनी परंपरेनुसार हे अत्यंत पौष्टिक आहे आणि ते खाल्ल्याने थकवा आणि अशक्तपणा दूर होतो.
advertisement
2005 पासून चीनमध्ये प्लेसेंटा विक्रीवर बंदी आहे. ते फक्त मुलाला जन्म देणाऱ्या महिलेलाच दिलं जाऊ शकतं. तरी आजही ते काळ्या बाजारात सुमारे 30 हजार रुपये प्रति किलोने विकलं जातं आणि हा डॉक्टरदेखील असंच काहीतरी करत होता.
view comments
Location :
Delhi
First Published :
April 03, 2025 2:24 PM IST
