पृथ्वीवरून माणसं नष्ट होणार? जगावर मोठं संकट, शास्त्रज्ञांचा इशारा

मेरिकेतील बाल्टिमोर येथील जॉन्स हॉपकिन्स ब्लूमबर्ग स्कूल ऑफ पब्लिक हेल्थ येथे काम करणारे प्रोफेसर आर्टुरो कासाडेव्हल यांनी माणसांच्या अंताबाबत इशारा दिला आहे. त्यांच्या मते, पृथ्वीवरील शेवटचा मानव हा केवळ कल्पनारम्य नसून तो वास्तविक असू शकतो. सुमारे 1000 वैज्ञानिक शोधनिबंध लिहिणारे प्रोफेसर कासडेव्हल यांनी गेल्या महिन्यात एक नवीन पुस्तक प्रकाशित केलं आहे, ज्याचं नाव आहे, वॉट इफ फंगी विन? या पुस्तकात त्यांनी पृथ्वीवरील शेवटच्या माणसासारखी परिस्थिती अशक्य नाही, असं सांगितलं आहे.

हे पुस्तक बुरशीमुळे साथीचे रोग होण्याची वास्तविक शक्यता अधोरेखित करतं. बुरशीमुळे साथीचा रोग होऊ शकतो आणि तो मानवजातीचा नाश करू शकतो, असं त्यांनी सांगितलं. .

डेली स्टारच्या वृत्तात प्रोफेसर कासाडेव्हलचा हवाला देत म्हटलं आहे की, कालांतराने आपल्याला धोकादायक नवीन बुरशी दिसू शकतात यात शंका नाही. यापूर्वीही असं घडलं आहे. वातावरणातील बदलामुळे बुरशी मानवजातीत नवीन रोग आणू शकतात. काही बुरशींमध्ये नवीन रोग पसरवण्याची क्षमता असल्याचं पुरावे वाढत आहेत. जे मानवांना हानी पोहोचवू शकतात.