Viral Video : दागिने चोरण्यासाठी आली महिला, मात्र दुकानदाराने शिकवला चांगलाच धडा

महिला सोन्याच्या दुकानात चोरी करण्याच्या हेतूने घुसते. मात्र चोरी करणारच तेवढ्यात तिचा डाव फसतो आणि दुकानदार तिला चांगलाच चोप देतो. या घटनेचा सीसीटीव्ही व्हिडीओ समोर आलाय. जो सध्या सोशल मीडियावर जोरदार व्हायरल होत आहे.

समोर आलेल्या चोरीच्या व्हिडीओमध्ये तुम्ही पाहू शकता, महिला बॅग घेऊन दागिन्यांच्या दुकानात आल्याचं दिसत आहे. ती दुकानदाराशी बराच वेळ बोलते आणि दागिने दाखवायला सांगते. ती महिला चोर असू शकते याची दुकानदाराला कल्पना नव्हती. तो महिलेला दागिन्यांच्या वस्तू टेबलावर ठेवत दाखवत होता. दुकानदाराचे लक्ष काही क्षणासाठी विचलित होताच महिलेनं पर्समधून मिरचीचा स्प्रे काढून दुकानदाराच्या डोळ्यात फवारला.

टेबलावरचे दागिने घेऊन महिला पळ काढणारच तेवढ्यात दुकानदार पुढे सरसावतो आणि टेबलवरचा बॉक्स तिला मारतो. तो तिला पकडतो आणि बेदम चोप देतो. @cctvidiots नावाच्या ट्विटर अकाऊंटवर हा व्हिडीओ शेअर करण्यात आला आहे. 12 सेकंदांचा हा व्हिडीओ सोशल मीडियावर खळबळ उडवत आहे.

दरम्यान, ही घडलेली घटना कोणत्या ठिकाणची आहे हे स्पष्ट होऊ शकलं नाही. व्हिडीओवर सध्या भरपूर कमेंट येताना दिसतेय. अशा घटना यापूर्वीही घडल्या आहेत.