कित्येक भारतीयांच्या घरात पडून असलेली ही मिठाई पाकिस्तानात आवडीने खातात; 5 पट महाग

पाकिस्तानात विकल्या जाणाऱ्या या भारतीय मिठाईचा व्हिडीओ सध्या सोशल मीडियावर तुफान व्हायरल होतो आहे. पाकिस्तानातील एका मिठाईच्या दुकानातील हा व्हिडीओ. एक पाकिस्तानी पत्रकार त्या दुकानदाराशी बोलते आहे.

@2k25news इन्स्टाग्राम अकाऊंटवर हा व्हिडिओ शेअर केला आहे, ज्यामध्ये एक पाकिस्तानी महिला पत्रकार हातात मायक्रोफोन घेऊन एका मिठाईच्या दुकानात येते. दुकानात पोहोचल्यावर ती दुकानदाराला विचारते, "मी पहिल्यांदाच सोनपापडीबद्दल ऐकलं आहे. ते काय आहे?" दुकानदार हसून उत्तर देतो, "ही भारतातील मिठाई आहे, हल्दीरामची सोनपापडी. ती इथं खूप प्रसिद्ध आहे आणि लोकांना ती आवडते."

पत्रकार सोन पापडीच्या बॉक्सवरील लाइन वाचतो, 'देशी तूपाने बनवलेले' आणि हसून म्हणतो, "वाह, ही पूर्णपणे भारतीय मिठाई आहे." यावर दुकानदार उत्तर देतो, "हो, हल्दीराम हा एक भारतीय ब्रँड आहे आणि त्यांचे गोड पदार्थ पाकिस्तानमध्ये खूप लोकप्रिय आहेत." व्हिडिओच्या शेवटी, पत्रकार म्हणतो, "पाहा, चवीला मर्यादा नाहीत. देश वेगवेगळे असू शकतात, पण गोडवा सर्वांना एकत्र करतो." या एका ओळीने संपूर्ण व्हिडिओ आणखी हृदयस्पर्शी बनवला.

लोकांना हा व्हिडिओ खूप आवडला आहे,  हजारो लोकांनी हा व्हिडीओ पाहिला आणि हजारोंनी लाइप केला. लोकांनी यावर मजेशीर प्रतिक्रिया दिल्या आहेत. एका युझरने लिहिलं की, "सोन पापडी फक्त एक गोड पदार्थ नाही, तर ती भारताची ओळख आहे." दुसऱ्याने लिहिलं की, "सोन पापडी एक गोड पदार्थ आहे जी घरात शिरली की, संपूर्ण परिसरात पसरते." तिसऱ्याने विनोदाने लिहिलं की, "पाकिस्तानातील लोकांनी इथं येऊन ती खरेदी करावी."