अरे देवा! 10 वर्षे पैसे जमवून घेतली 2.5 कोटींची फरारी, एका तासात त्याची राख झाली, कशी काय?

जपानमधील ही घटना आहे. 33 वर्षीय होनकॉन एक म्युझिक प्रोड्युसर आहे. त्याला फरारी 458 स्पायडर कार खूप आवडली होती. त्याने त्या कारसाठी तब्बल 10 वर्षे पैसे साठवले. 16 एप्रिल रोजी त्याने ती कार 2.5 कोटी रुपयांना खरेदी केली. गाडी घेऊन तो ऐटीत निघाला. पण टोकियोच्या शुतो एक्स्प्रेसवर असताना अचानक त्या गाडीला आग लागली. कोट्यवधी रुपयांची कार त्याच्या डोळ्यादेखत पेटली. त्याने लगेच गाडी थांबवली आणि तो गाडीतून खाली उतरला.