"हॅलो, तुमची आई जिवंत आहे", 24 वर्षांनंतर मुलाला कळलं अन् धावत निघाला बंगालपासून राजस्थानपर्यंत...

सुमारे 4 वर्षांपूर्वी रूपाली हेम्ब्रम यांना जयपूरमधून मानसिकदृष्ट्या आजारी अवस्थेत वाचवण्यात आलं आणि उपचारासाठी त्यांना अपनाघर भरतपूर येथे आणण्यात आलं. त्यांना फक्त बंगाली भाषा येत होती आणि त्या हिंदी बोलू शकत नव्हत्या. त्यामुळे त्यांना इतर भाषिक लोकांसाठी असलेल्या वॉर्डमध्ये ठेवण्यात आलं होतं. आश्रमातील दुसरे एक प्रभुजी, ज्यांना हिंदी आणि बंगाली दोन्ही भाषा येत होत्या, त्यांनी संभाषणादरम्यान त्यांच्या पार्श्वभूमीची माहिती काढण्याचा प्रयत्न केला. जेव्हा काही माहिती मिळाली, तेव्हा त्या आधारावर इंटरनेटवर एका हॉटेलचं नाव शोधण्यात आलं आणि तिथे संपर्क साधण्यात आला.

हॉटेल व्यवस्थापनाने खात्री केली की, ही तीच महिला आहे जी अनेक वर्षांपूर्वी तिथून बेपत्ता झाली होती आणि जिचा मृत्यू झाला असा समज होता. जेव्हा कुटुंबाशी संपर्क साधला गेला, तेव्हा त्यांचा मुलगा सृष्टी हेम्ब्रम याला सुरुवातीला विश्वास बसला नाही. व्हिडिओ कॉलवर बोलल्यानंतरही तो तिला नीट ओळखू शकला नाही, कारण जेव्हा त्याची आई बेपत्ता झाली तेव्हा तो फक्त पाच वर्षांचा होता. मुलाने गावचे प्रमुख नानु मुर्मू यांना सांगितलं की त्याची आई राजस्थानमधील भरतपूरमध्ये राहत आहे.

प्रादेशिक आमदार श्री अभिजीत सिन्हा यांना दिली. जेव्हा त्यांना याबद्दल कळलं, तेव्हा त्यांनी त्वरित मदत करण्याचा निर्णय घेतला. ते म्हणाले की, अशा वेळी जर मी मदत नाही केली, तर कोण करेल? मुख्यमंत्री ममता बॅनर्जी यांची परवानगी घेतल्यानंतर आमदार स्वतः त्यांच्या मुलगा आणि मुखियासोबत विमानाने दिल्लीला पोहोचले आणि तिथून वाहनाने अपनाघर आश्रमात आले.

आश्रमात आई आणि मुलाची भेट खूपच भावनिक होती. आमदारांनी आश्रमाचं निरीक्षण करत असताना तिथल्या सेवाकार्याचं कौतुक केलं आणि म्हणाले की, ही कथा एखाद्या चित्रपटापेक्षा कमी नाही. एक आई आपल्याच देशात 25 वर्षे आपल्या मुलापासून दूर राहिली आणि आता त्यांची पुन्हा भेट झाली. त्यांनी अपनाघरला 10000 रुपयांची देणगीही दिली आणि सांगितलं की ते मुख्यमंत्री यांच्याशी अपनाघरसारख्या सेवाभावी संस्थांच्या विस्ताराबद्दल चर्चा करतील.