ऑनलाईन रोमान्स पडला महागात, 4 कोटींना लागला चुना, आता 57 वर्षांची महिला झालीय बेघर! 

एका ऑस्ट्रेलियन महिलेला ऑनलाईन डेटिंगची इतकी सवय लागली की, ती डेटिंग फसवणुकीला बळी पडली. ऑनलाईन प्रेम शोधण्याच्या प्रयत्नात महिलेने सर्व काही गमावलं. 57 वर्षीय ॲनेट फोर्डचं 33 वर्षांचं संसार 2018 मध्ये तुटला आणि त्यातून बाहेर पडणं तिला खूप कठीण गेलं. सोबती शोधण्यासाठी फोर्डने ऑनलाईन डेटिंग सुरू केलं. यादरम्यान, तिची विल्यमशी ऑनलाईन ओळख झाली. काही महिने ऑनलाईन डेटिंग केल्यानंतर, विल्यमने सांगितलं की, क्वालालंपूर कार्यालयाबाहेर झालेल्या भांडणात त्याचं पाकीट चोरीला गेल्याने तो खूप तणावात आहे. विल्यमने तातडीच्या खर्चासाठी 5000 ऑस्ट्रेलियन डॉलर्सची मदत मागितली.