फक्त कॅशमध्येच पेमेंट, सगळीकडे 500-500 च्या नोटा द्यायचे बापलेक; श्रीमंतीचा मार्ग पाहून पोलीसही धक्क्यात

जयपूरच्या झोटवाडामध्ये राहून पिता-पुत्र असा पराक्रम करत होते, ज्याचा कोणी विचारही केला नव्हता. नानुपुरी कॉलनीत राहणारे सुरेंद्र सिंग आणि त्यांचा मुलगा शिवम सिंग यांना दोघंही गावकऱ्यांना 500 रुपयांच्या नोटा देत आणि त्यांच्याकडून हजारो रुपयांच्या वस्तू विकत घेत. खरेदी केलेल्या मालामध्ये शेळ्या, रेशनच्या वस्तू इ. माल घेतला जात असे. याबाबत एका व्यक्तीला संशय आल्याने त्याने पोलिसांना माहिती दिली. त्यानंतर असा घोटाळा उघडकीस आला, ज्याची कोणी कल्पनाही केली नसेल.

डीएसपी अमित कुमार यांनी सांगितले की, आरोपी ए4 शीटवर चार मूळ नोटा चिकटवायचा आणि त्यातून रंगीत कॉपी काढायचा. मग ते कापून वापरायचे.

या बनावट नोटांनी पिता-पुत्र सर्व वस्तू खरेदी करत होते. गावकऱ्यांना खऱ्या आणि बनावट नोटांमधील फरक समजू शकला नाही आणि ते पिता-पुत्राच्या फसवणुकीचे बळी ठरले. पोलिसांनी बापलेकाला अटक केली आहे.