विद्यार्थ्याने पहाटे 3:49 वाजता पाठवलं असाइनमेंट; प्रोफेसरने दिलं असं उत्तर, सोशल मीडियावर आलं चर्चेत
- Published by:Devika Shinde
Last Updated:
विद्यार्थ्यांवर अभ्यास, असाइनमेंट्स, प्रोजेक्ट्स आणि इंटर्नशिप यांचा इतका ताण असतो की अनेक वेळा ते संपूर्ण रात्र जागून काम करतात. पण असं असलं तरी कधीकधी ते देखील वेळेवर पूर्ण होत नाही.
मुंबई : आजकाल विद्यार्थ्यांवर अभ्यास, असाइनमेंट्स, प्रोजेक्ट्स आणि इंटर्नशिप यांचा इतका ताण असतो की अनेक वेळा ते संपूर्ण रात्र जागून काम करतात. पण असं असलं तरी कधीकधी ते देखील वेळेवर पूर्ण होत नाही. अशावेळी विद्यार्थ्यांना समस्यांना तोंड द्यावं लागतात. ही सवय काहींना नेहमीची वाटू शकते, पण याचा परिणाम थेट त्यांच्या आरोग्यावर होतो. याच विषयावर दिल्ली विद्यापीठाच्या एका प्राध्यापिकेने उघडपणे मत व्यक्त केलं असून त्यांचा संदेश सोशल मीडियावर प्रचंड व्हायरल झाला आहे.
दिल्ली विद्यापीठातील किरोड़ीमल कॉलेजच्या असिस्टंट प्रोफेसर डॉ. कविता कंबोज यांनी लिंक्डइनवर एक पोस्ट शेअर केली. त्यांनी सांगितलं की त्यांच्या एका विद्यार्थ्याने रात्री 3:49 वाजता त्यांना असाइनमेंट पाठवलं. हे पाहून त्यांनी विद्यार्थ्याच्या मेहनतीचं कौतुक तर केलं, पण बाकी विद्यार्थ्यांना एक महत्त्वाचा संदेशही दिला "काम जितकं गरजेचं आहे, तितकंच तुमचं आरोग्यही गरजेचं आहे."
advertisement
त्यांनी लिहिलं, "योग्य प्लॅनिंग केली तर कोणत्याही कामासाठी झोपेचा बळी देण्याची गरज नाही. काल माझ्या एका विद्यार्थ्याने 3:49 वाजता असाइनमेंट पाठवलं. त्याची लगन कौतुकास्पद आहे, पण इतक्या उशिरापर्यंत जागरण करणं शरीर आणि मन दोन्हींसाठी घातक आहे."
डॉ. कंबोज यांनी विद्यार्थ्यांना काही मुद्दे लक्षात ठेवण्यास सांगितले:
त्यांनी सांगितलं की बिनआराम करता मेहनत केली तर आपल्या चेहऱ्याची चमक हरवते. त्यामुळे दिवसाचं योग्य नियोजन करा. ज्यामुळे पुरेशी झोप घ्या. मग पूर्ण ऊर्जा आणि स्वच्छ विचारांसह काम करा. तुमचं चांगलं आरोग्य प्रत्येक डेडलाइनपेक्षा जास्त मौल्यवान आहे.
advertisement
फक्त सार्वजनिक पोस्टच नाही, तर त्यांनी त्या विद्यार्थ्याला वैयक्तिक संदेशही पाठवला:
"तुम्ही खूप छान काम केलं आहे. प्रत्येक छोट्या तपशीलाकडे लक्ष दिलं आहे, हे कौतुकास्पद आहे. पण माझी फक्त एक विनंती आह. इतक्या उशिरापर्यंत जागून काम करू नका. झोप न गमावता देखील वेळ काढता येतो. जर तुम्ही विश्रांती गमावली, तर मेहनतीचा अर्थ उरत नाही. मी नेहमी मदतीसाठी आहे. आधी झोप पूर्ण करा, नाश्ता करा आणि मग मला कॉल करा."
advertisement
सोशल मीडियावर त्यावर प्रतिसाद, ही पोस्ट व्हायरल झाल्यानंतर लोकांनी त्यांच्या विचारांची भरभरून प्रशंसा केली. एका यूजरने लिहिलं, "मॅडम, तुमच्या विचारांना मी मनापासून सलाम करतो." दुसऱ्याने म्हटलं, "शिक्षण क्षेत्रात सहानुभूतीची खूप कमतरता आहे. तुम्हासारखे शिक्षकच खऱ्या मार्गदर्शनाचं उदाहरण आहेत."
एका इंजिनियरिंग विद्यार्थ्याने लिहिलं, "आमच्या कॉलेजमध्ये तर 3:49 AM ला सुरुवात समजली जात होती. चांगलं आहे की आता शिक्षक हे अनहेल्दी कल्चर थांबवण्याचा प्रयत्न करत आहेत." तर तिसऱ्यानं लिहिलं, "ही पोस्ट मला माझ्या कॉलेजच्या आयुष्याची आठवण करून देत आहे. प्रोजेक्ट्स, क्लासेस आणि इंटर्नशिपमध्ये मी स्वतःची काळजी घेणंच सोडून दिलं होतं."
view commentsLocation :
Mumbai,Maharashtra
First Published :
August 28, 2025 6:44 PM IST
मराठी बातम्या/Viral/
विद्यार्थ्याने पहाटे 3:49 वाजता पाठवलं असाइनमेंट; प्रोफेसरने दिलं असं उत्तर, सोशल मीडियावर आलं चर्चेत
