Employee Fired : गुगलसारखं तुमच्या कंपनीनेही तुम्हाला अचानक कामावरून काढलं तर काय करायचं?

आता कर्मचारी नेमकी कशा पद्धतीने कायद्याचा आधार घेऊन स्वतःच्या हक्कासाठी लढू शकतो, ते पाहूया.

कर्मचाऱ्यांना कामावरून काढून टाकण्याबाबत अनेक नियम करण्यात आहेत. औद्योगिक विवाद अधिनियम, 1947, कंत्राटी कामगार (नियमन आणि निर्मूलन) कायदा, 1970 आणि औद्योगिक रोजगार कायदा, 1946 यासह कर्मचाऱ्यांच्या बडतर्फीशी संबंधित अनेक भारतीय कायदे आहेत.

जर एखाद्या कर्मचाऱ्याला कारण नसताना काढून टाकलं तर त्याला किंवा तिला कामावरून काढण्यापूर्वी ठराविक कालावधीची नोटीस आणि सेवरेंस पे दिलं जातं. सेवरेंस पे म्हणजे नोकरीतून काढून टाकलेल्या कर्मचाऱ्याला नियोक्त्याने दिलेली आर्थिक भरपाई किंवा लाभ पॅकेज. जर एखाद्या कर्मचाऱ्याला कोणत्याही कारणाशिवाय काढून टाकलं असेल तर त्याला सेवरेंस पे मिळण्याचा अधिकार आहे. जेव्हा एखाद्या कर्मचाऱ्याला काढून टाकले जाते, तेव्हा कंपनी सहसा कर्मचाऱ्याला कामावरून कमी करण्यासाठी भरपाई देते. या वेतनाची रक्कम साधारणपणे प्रत्येक वर्षाच्या सेवेसाठी एका महिन्याच्या पगाराची असते, करारानुसार कमीजास्त असू शकते. जेव्हा कर्मचाऱ्यांना दुसरी नोकरी सापडत नाही किंवा त्यांचा करार संपुष्टात येत असेल तेव्हा त्यांना देखील ते दिले जाऊ शकते.