नवीन सोयाबीनला किती मिळतोय बाजारभाव? मार्केटमधून नवीन अपडेट आली समोर

भाववाढ: मुखेड, अहमहपूर, कारंजा, अमरावती आणि उमरेड या बाजारांमध्ये सोयाबीनला आज चांगला दर मिळाला. या ठिकाणी भाव ४ हजार ४०० ते ४ हजार ५०० रुपये प्रति क्विंटल इतका पोहोचला.

काही ठिकाणी पिकांची काढणी सुरू झाल्याने शेतकरी मोठ्या प्रमाणावर आवक करत आहेत. त्यामुळे बाजारात माल वाढल्याने दर थोडे दबावात आले आहेत.

काढणीला आलेल्या सोयाबीन पिकाची काळजी घेणे अत्यंत गरजेचे आहे. हवामानातील अनिश्चितता पाहता खालील गोष्टींचे पालन करावे.ओलसर हवेत काढणी टाळावी, अन्यथा दाणे काळपट होण्याची शक्यता असते. काढणी नंतर वाळवणी नीट करावी, त्यामुळे गुणवत्तेवर परिणाम होत नाही.धान्य गोदामात साठवताना कोरडे आणि हवेशीर ठिकाण निवडावे. माल विक्रीपूर्वी बाजारभाव तपासावा, कारण दर दररोज बदलत आहेत.