Banana Price : केळी दरात मोठी घसरण, खर्च निघणे झालं अवघड, शेतकऱ्याचे 4 लाखांचे नुकसान
- Reported by:Patel Irfan Hassan
- Published by:Mohan Najan
Last Updated:
केळीच्या बाजारभावात प्रचंड प्रमाणात घसरण झाली असून केळी उत्पादक शेतकऱ्यांमध्ये नाराजी पसरली आहे. केळीचे दर कमी झाल्याने शेतकऱ्याला आर्थिक संकटाला सामोरे जावे लागत आहे.
सोलापूर : केळीच्या बाजारभावात प्रचंड प्रमाणात घसरण झाली असून केळी उत्पादक शेतकऱ्यांमध्ये नाराजी पसरली आहे. केळीचे दर कमी झाल्याने शेतकऱ्याला आर्थिक संकटाला सामोरे जावे लागत आहे. कोरटी गावात राहणारे शेतकरी दत्तात्रय माने यांनी दीड एकरात केळीची लागवड केली होती. दीड एकरात केळीच्या लागवडीसाठी दत्तात्रय माने यांना तीन ते चार लाख रुपये खर्च आला होता. पण केळीला दर मिळत नसल्याने लागवडीचा खर्च सुद्धा निघत नसल्याने शेतकरी हवालदिल झाला आहे.
पंढरपूर तालुक्यातील कोर्टी गावात राहणारे शेतकरी दत्तात्रय माने यांनी दीड एकरात केळीची लागवड केली आहे. गेल्या महिनाभरापासून केळीच्या बाजारभावात अभूतपूर्व घसरण झाली असून केळीला प्रति किलो दोन ते तीन रुपयाने भाव मिळत असल्याने शेतकरी हताश अवस्थेत असल्याचं दिसत आहे.
advertisement
दत्तात्रेयांनी दीड एकरामध्ये पंधराशे केळीच्या रोपांची लागवड केली आहे. दीड एकरामध्ये 7 बाय 4 याप्रमाणे केळीच्या रोपांची लागवड केली. दोन रुपये किलो दराने केळीला दर मिळत असल्याने 3 गाड्या पिकअप गाडी केळी व्यापाऱ्याने खरेदी करून गेल्यावर 30 हजार रुपये मिळाले आहे. यातून लागवडीचा खर्च लांबच केळीच्या रोपांचा सुद्धा खर्च निघत नसल्याची खंत दत्तात्रय माने यांनी व्यक्त केली.
advertisement
मागील काही महिन्यांपूर्वी केळीला सरासरी 20 ते 27 रुपये किलो दर मिळत होता. पण आता दर केळीला 2 ते 3 रुपये किलोवर दर आला आहे. साधारणतः केळीला 20 रुपये किलो दर मिळाला असता तर लागवडीचा खर्च निघाला असता पण सध्या मिळत असलेल्या दरामुळे फवारणीचा, रोपांचा सुद्धा खर्च निघत असल्याची खंत शेतकरी दत्तात्रय माने यांनी दिली. पोटच्या लेकराप्रमाणे जपलेल्या केळीच्या बागा ट्रॅक्टरच्या सहाय्याने मोडून काढायची वेळ बळीराजावर आली आहे.
Location :
Solapur,Maharashtra
First Published :
Dec 16, 2025 4:04 PM IST
मराठी बातम्या/कृषी/
Banana Price : केळी दरात मोठी घसरण, खर्च निघणे झालं अवघड, शेतकऱ्याचे 4 लाखांचे नुकसान
