अतिवृष्टीग्रस्त शेतकऱ्यांसाठी महत्वाची अपडेट! हे काम केल्याशिवाय आर्थिक मदत मिळणार नाही

राज्य सरकारने जाहीर केलेल्या या भरपाईसाठी पात्र शेतकऱ्यांची यादी तयार करण्यात आली आहे. मात्र, अनेक लाभार्थ्यांच्या केवायसी तपशीलात त्रुटी आढळल्यामुळे त्यांना अजून पात्र ठरविण्यात आलेले नाही. सरकारने शेतकऱ्यांना तातडीने ई-केवायसी पूर्ण करण्याचे आवाहन केले असून, “केवायसी न झाल्यास मदत थेट खात्यात जमा करता येणार नाही,” असा इशारा प्रशासनाकडून देण्यात आला आहे.

जिल्ह्यातील एकूण ४७,४२४ मंजूर लाभार्थ्यांपैकी ४०,९८६ शेतकऱ्यांना पात्र ठरविण्यात आले आहे. पण त्यापैकी तब्बल ३०,०८९ शेतकऱ्यांनी अद्यापही ई-केवायसी पूर्ण केलेली नाही. त्यामुळे त्यांच्याकडे मदतनिधी जमा करण्यात अडथळे येत आहेत.

जिल्हा प्रशासनाने सांगितले की, “शेतकऱ्यांनी ई-केवायसी प्रक्रिया पूर्ण केल्याशिवाय शासनाकडून मंजूर झालेली मदत खात्यात वर्ग करता येणार नाही. त्यामुळे सर्व पात्र लाभार्थ्यांनी तात्काळ जवळच्या सेवा केंद्रात किंवा बँकेत जाऊन आपली केवायसी प्रक्रिया पूर्ण करावी.”