Farmer Success Story: पाऊण एकरात केली गुलछडीची लागवड, कमी खर्चात शेतकऱ्याला लाखोंचं उत्पन्न, कशी केली शेती?

सोलापूर : सोलापूर जिल्ह्यातील मोहोळ तालुक्यातील पापरी गावात राहणारे नंदकुमार लोखंडे यांनी पाऊण एकरात दोन वर्षांपूर्वी गुलछडी या फुलाची लागवड केली आहे. या शेतीसाठी त्यांना 25 ते 30 हजार रुपयांपर्यंत खर्च आला होता. तर या एकदा लागवड केलेल्या गुलछडीच्या फुलाच्या शेतीतून शेतकरी नंदकुमार लोखंडे यांनी सर्व खर्च वजा करून 2 लाख रुपयांचे उत्पन्न मिळवले आहे. या संदर्भात अधिक माहिती शेतकरी नंदकुमार लोखंडे यांनी लोकल 18 शी बोलताना दिली.