एकरी फक्त 15 हजार खर्च, या पिकातून 60 दिवसांत मिळवा दीड लाखापर्यंत नफा

बीट शेतीतील खर्च खूप कमी येतो. एकरी बियाण्याचा खर्च साधारणपणे 700 ते 1,000 रुपये येतो. जमीन तयारीसाठी 2,000 ते 3,000 रुपये, खत-औषधे यासाठी 3,000 ते 4,000 रुपये, पाणी आणि मजुरीसाठी 2,500 ते 3,500 रुपये खर्च होतो. तणनाशके आणि ड्रीप व्यवस्थेसाठी सुमारे 1,500 ते 2,000 रुपये मोजावे लागतात. अशा प्रकारे एकरी एकूण खर्च 10,000 ते 14,000 रुपयांच्या दरम्यान येतो. या तुलनेत उत्पादन मोठ्या प्रमाणात मिळत असल्याने नफा देखील तितकाच जास्त मिळतो.

हवामान अनुकूल असेल तर बीटचे एकरी उत्पादन 100 ते 150 क्विंटल मिळू शकते. सरासरी 120 क्विंटल उत्पादन शेतकऱ्यांना सहसा मिळते. सध्या बाजारात बीटला घाऊक दराने प्रतिकिलो 8 ते 12 रुपये तर किरकोळ बाजारात 20 ते 30 रुपये दर मिळतो. जर घाऊक बाजार दर 10 रुपये गृहित धरला तर 12,000 किलो उत्पादनास अंदाजे 1,20,000 रुपये उत्पन्न मिळते. यातून खर्च वजा केल्यास शेतकऱ्याच्या हाती निव्वळ 1,00,000 ते 1,10,000 रुपयांचा नफा सहज मिळतो. कधी बाजारात भाव वाढल्यास हा नफा 1.5 लाख रुपयांपर्यंतही जाऊ शकतो.