ज्वारी पिकावर कीटकांचा वाढता प्रादुर्भाव? असं करा रोग व्यवस्थापन, कृषी तज्ज्ञांचा महत्त्वाचा सल्ला

बीड : ज्वारी हे महाराष्ट्रासह देशातील अनेक भागांमध्ये लागवड होणारे महत्त्वाचे तृणधान्य पीक आहे. कमी पाण्यात येणारे आणि  पोषणमूल्यांनी समृद्ध असल्यामुळे ज्वारीला विशेष महत्त्व आहे. मात्र, या पिकावर विविध प्रकारच्या कीटकांचा प्रादुर्भाव होतो, ज्यामुळे उत्पादनात मोठी घट येण्याची शक्यता असते. योग्य वेळी उपाययोजना न केल्यास शेतकऱ्यांना आर्थिक नुकसान सहन करावे लागते. याबद्दलच कृषी अभ्यासक महादेव बिक्कड यांनी माहिती दिली आहे