पावसाळ्यात गावरान कोंबड्यांना विविध आजारांचा धोका, घरगुती करा हे उपाय, आजार राहातील कायम दूर

बीड: पावसाळा जसा शेतीसाठी फायदेशीर असतो, तसाच तो गावरान कोंबडी पालनासाठी काही अशी आव्हानात्मक ठरतो. दमट हवामान, चिखल, दूषित पाणी आणि परजीवी यामुळे कोंबड्यांमध्ये सर्दी, खोकला, त्वचेचे विकार आणि इतर संसर्गजन्य आजार वाढण्याचा धोका असतो. त्यामुळेच या काळात विशेष काळजी घेणे गरजेचे आहे. याच अनुषंगाने आपण बीड जिल्ह्यातील माजलगाव तालुक्यातील टालेवाडी येथील गावरान कोंबडी पालन व्यवसायात अनुभवी असलेल्या विकास बिक्कड यांच्याकडून अधिक माहिती जाणून घेऊयात.