Onion Seed Price : शेतकऱ्यांनो ही संधी नका सोडू, बिजोत्पादनासाठी कांदा 700 रुपये क्विंटल, इथं करा खरेदी

जालना : हायब्रीड सीडसाठी जालना शहर प्रसिद्ध आहे. जालना जिल्ह्यातील तसेच आसपासच्या परिसरातील शेतकऱ्यांना बीज उत्पादनासाठी बियाणे उत्पादक कंपन्या प्रोत्साहन देत असतात. जिल्ह्यात मोठ्या प्रमाणावर कांद्याचे बीज उत्पादन घेतलं जातं. सध्या बीज उत्पादनासाठी कांदा लागवडीचा हंगाम सुरू आहे. लोकल 18 च्या प्रतिनिधीने जालना बाजार समितीमधून लागवडीच्या कांद्याचे दर आणि आवक याबाबत आढावा घेतला, पाहुयात.

जालना शहरातील कृषी उत्पन्न बाजार समितीमध्ये दररोज 15 ते 20 ट्रक कांदा कर्नाटक, आंध्र प्रदेश अशा दक्षिणेतील राज्यांमधून दाखल होत आहे. या कांद्याला गुणवत्तेनुसार 600 रुपये ते 1300 रुपये प्रतिक्विंटल असा दर मिळत आहे. जालना जिल्ह्यातील परतूर, मंठा आणि जालना तालुक्यातील शेतकरी मोठ्या प्रमाणावर बीज उत्पादनासाठी कांद्याची लागवड करत आहेत.