PM Kisan च्या २१ व्या हप्त्याची सरकारकडून घोषणा! या तारखेला खात्यात येणार पैसे

गेल्या काही आठवड्यांपासून देशभरातील पीएम किसान योजनेचे लाभार्थी शेतकरी २१ व्या हप्त्याची उत्सुकतेने वाट पाहत होते. मात्र, बिहार विधानसभेच्या निवडणुकांमुळे आचारसंहिता लागू असल्याने केंद्र सरकारने हा हप्ता जाहीर करण्यात विलंब केला. आता निवडणुकीचा निकाल जाहीर झाल्यानंतर अखेर पीएम किसान प्रशासनाने अधिकृतरित्या हप्त्याची तारीख जाहीर केली आहे.

पीएम किसानच्या अधिकृत एक्स (ट्विटर) हँडलवरून माहिती देण्यात आली की देशातील नऊ कोटीहून अधिक शेतकऱ्यांच्या खात्यात २१ वा हप्ता थेट जमा होईल. त्यामुळे अनेक दिवसांच्या प्रतीक्षेनंतर शेतकऱ्यांना दिलासा मिळणार असून रब्बी हंगामाच्या तयारीतही मदत होणार आहे.

अनेक शेतकऱ्यांच्या मनात प्रश्न आहे की यावेळी त्यांचे पैसे खात्यात जमा होणार की नाही. यासाठी पीएम किसान पोर्टलवर काही साधे टप्पे पूर्ण करावे लागतात.

सर्वप्रथम पीएम किसानची अधिकृत वेबसाईट

तुम्ही तुमचा आधार क्रमांक, बँक खाते क्रमांक किंवा मोबाईल नंबर वापरून स्थिती तपासू शकता. संबंधित माहिती भरल्यानंतर "Get Data" या बटणावर क्लिक करा.

क्लिक केल्यानंतर पुढील पृष्ठावर तुमचे नाव, हप्त्यांची स्थिती, पैसे मंजूर झाले आहेत का, बँकेकडे पाठवले गेले आहेत का, याची सर्व माहिती स्क्रीनवर दिसेल.