नोव्हेंबरच्या पहिल्या आठवड्यात PM Kisan चा २१ वा हप्ता येणार? समोर आली नवीन अपडेट

बिहारमध्ये सध्या निवडणूक आचारसंहिता लागू आहे, त्यामुळे काही शेतकऱ्यांना शंका होती की, या काळात हप्ता जमा होईल का? मात्र मिळालेल्या माहितीनुसार, आचारसंहितेदरम्यान नवीन योजना सुरू करता येत नाही, मात्र पूर्वी मंजूर झालेल्या योजनांअंतर्गत देयके देण्यास निर्बंध नाहीत. त्यामुळे पीएम-किसान योजनेतील निधी थांबणार नाही. केंद्र सरकार शेतकऱ्यांना वेळेवर आर्थिक मदत मिळेल याची खबरदारी घेणार आहे.

अधिकृत तारीख अद्याप जाहीर झालेली नसली तरी, कृषी विभागाच्या सूत्रांनुसार नोव्हेंबरच्या सुरुवातीला पैसे जमा होण्याची शक्यता आहे. मागील २० वा हप्ता ऑगस्ट २०२५ मध्ये पंतप्रधान नरेंद्र मोदी यांनी वितरित केला होता. त्या वेळी ९.८ कोटी शेतकऱ्यांना, त्यात २.४ कोटी महिला शेतकऱ्यांचा समावेश, लाभ मिळाला होता.

२१ वा हप्ता मिळवण्यासाठी शेतकऱ्यांनी ई-केवायसी प्रक्रिया पूर्ण करणे अत्यावश्यक आहे.यासाठी शेतकऱ्यांनी पीएम-किसानच्या अधिकृत वेबसाइटवर लॉग इन करून ओटीपी किंवा बायोमेट्रिक पद्धतीने केवायसी करावी.

शेतकरी आपल्या हप्त्याची स्थिती पीएम-किसान पोर्टलवर सोप्या पद्धतीने तपासू शकतात. https://pmkisan.gov.in या संकेतस्थळावर जा. उजव्या बाजूला असलेल्या “Know Your Status” या पर्यायावर क्लिक करा. तुमचा नोंदणी क्रमांक भरा, कॅप्चा कोड टाका आणि “Get Data” निवडा. नंतर तुमच्या हप्त्याची स्थिती स्क्रीनवर दिसेल.