शेतकऱ्यांचा PM Kisan चा बंद झालेला हप्ता पुन्हा सुरू होणार! हा नवीन पर्याय झाला उपलब्ध

मुंबई : पीएम किसान सन्मान निधी योजनेअंतर्गत पात्र असूनही काही कारणास्तव हप्ते थांबलेले किंवा नोंदणी प्रक्रियेत अडथळे आलेल्या शेतकऱ्यांसाठी एक अत्यंत महत्त्वाची आणि दिलासादायक बातमी समोर आली आहे. केंद्र सरकारने पीएम किसान पोर्टलवर नवा पर्याय “Update Missing Information” (अपडेट मिसिंग इन्फॉर्मेशन) उपलब्ध करून दिला आहे. या पर्यायाद्वारे शेतकऱ्यांना आपल्या नोंदणीत असलेल्या चुका दुरुस्त करता येणार असून, त्यामुळे थांबलेले हप्ते पुन्हा सुरू होण्याचा मार्ग मोकळा झाला आहे.