शासन आणि प्रशासनाला मानवी चेहरा देणाऱ्या मुख्यमंत्रांकडून विक्रमी नोकरभरती

एका बाजूला शासकीय कार्यालये, त्यातील अधिकारी आणि कर्मचाऱ्यांकडून कामातील उत्कृष्टता आणि अत्युच्च कार्यक्षमतेचा आग्रह धरतानाच शासन आणि प्रशासनास मानवी चेहरा देणाऱ्या मुख्यमंत्री देवेंद्र फडणवीस यांनी सरकारी भरती प्रक्रियेत क्रांतिकारक बदल करून तिला अधिक गतिमान केले आहे. प्रक्रियेतील या सुधारणांमुळे एका दिवसात सरकारी नोकऱ्यांसाठी निवड झालेल्या तब्बल १०,००० उमेदवारांना नियुक्तीपत्रे देऊन रेकॉर्डब्रेक महाभरती करणे शक्य झाले आहे. यापैकी ५१८८ नियुक्तीपत्रे शासकीय सेवेत कार्यरत असताना मृत्यू पावलेल्या शासकीय कर्मचाऱ्यांच्या वारसांना अनुकंपा तत्वावर देण्यात आली आहेत. अनुकंपा तत्त्वावरील ही नोकरभरती अनेक वर्षे प्रलंबित होती. उर्वरित ५१२२ नियुक्तीपत्रे क वर्ग लिपिक-टंकलेखक पदासाठी आहेत. महाराष्ट्रात प्रथमच एका दिवसात एवढी मोठी नोकरभरती करण्यात आलेली असून या महाभरतीमधून मुख्यमंत्री आणि भारतीय जनता पक्ष प्रणित महायुती राज्य सरकारचा मानवी दृष्टिकोन, विकासान्मुख आणि कार्यक्षमता पोषक धोरण तसेच राज्याच्या कारभाराचा चेहरामोहरा बदलून शासन आणि प्रशासनाला लोकाभिमुख बनवण्याची तळमळ दिसून येते.