Agriculture News: शेतकऱ्याची भरपाई की चेष्टा? खात्यात किती पैसे आले? विमा कंपनीचा मेसेज व्हायरल

मुंबई : राज्यात झालेल्या अतिवृष्टीमुळे हजारो शेतकऱ्यांचे प्रचंड नुकसान झाले असून, त्यांच्या आर्थिक अडचणी दिवसेंदिवस वाढत आहेत. मुख्यमंत्री देवेंद्र फडणवीस यांनी दिवाळीपूर्वी सर्व शेतकऱ्यांना नुकसानभरपाई देण्याचे आश्वासन दिले होते. मात्र, प्रत्यक्षात अनेक शेतकऱ्यांच्या खात्यात आजपर्यंत एक रुपयाही जमा झालेला नाही. त्यातच पालघरमधील वाडा तालुक्यातील शिलोत्तर गावातील शेतकरी मधुकर पाटील यांच्या खात्यात प्रधानमंत्री पीक विमा योजनेअंतर्गत फक्त २ रुपये ३० पैसे जमा झाल्याचे समोर आले आहे. या घटनेमुळे प्रशासनावर तीव्र टीका होत असून, शेतकऱ्यांमध्ये संताप व्यक्त केला जात आहे.