Mumbai News : कोस्टल रोड रात्रीचा बनला डेथ झोन; नेमकं कारण काय?

एका प्रवाशाने सोशल मीडियावरून याबाबत तक्रार केली असून, मुंबईकरांनी सवाल केला आहे – “14 हजार कोटी खर्च करूनही सुरक्षिततेचा बोजवारा असेल, तर आम्ही अजून विजेचे पैसे द्यायचे का?” सप्टेंबरपर्यंतच्या आकडेवारीनुसार 8 हजारांहून अधिक वाहनांनी वेगमर्यादा ओलांडली, तर काही गाड्यांचा वेग बोगद्यात ताशी 147 किमीपर्यंत पोहोचल्याचे उघड झाले आहे.

ऑक्टोबरमध्ये एका कारने वेगमर्यादा तोडून कठडा फोडत थेट समुद्रात कोसळल्याची थरारक घटना घडली होती. या अपघातात लोखंडी रेलिंगचे मोठे नुकसान झाले आणि पालिकेने संबंधित चालकाला तब्बल २.६५ लाखांची नुकसानभरपाईची नोटीस पाठवली आहे.

मुंबईचा ड्रीम रोड म्हणून ओळखल्या जाणाऱ्या कोस्टल रोडवर दिवे बंद, अंधार, आणि वेगाचा कहर पाहता, हा मार्ग सौंदर्यापेक्षा अधिक धोकादायक ठरत चालल्याची भीती मुंबईकरांमध्ये पसरली आहे.