थेट शेतातून ग्राहकांच्या हातात! सांगलीत 5 दिवसांचा फळ महोत्सव, काय आहे खास?  

सांगली: सांगली जिल्हा हा फळशेतीसाठी प्रसिद्ध आहे. येथील द्राक्ष, डाळिंब, केळी, पेरु, चिक्कू, पपई, सीताफळ उत्पादन संपूर्ण देशभर प्रसिद्ध आहेत. या फळांचा शहरातील नागरिकांना आस्वाद घेता यावा, म्हणून सांगलीतील कल्पद्रुम मैदान नेमिनाथनगर येथे दि. 23 ते 27 फेब्रुवारी रोजी फळ महोत्सव घेण्यात येणार आहे. या महोत्सवात द्राक्षांचे विविध प्रकार ठेवले जाणार आहेत. सांगली कृषी उत्पन्न बाजार समिती, जिल्हा परिषद, कृषी विभाग, महाराष्ट्र कृषी पणन मंडळ-पुणे, राज्य महानगरपालिका आणि महाराष्ट्र राज्य द्राक्ष बागाईतदार संघ आणि फळ महोत्सव समिती यांच्या संयुक्त विद्यमानाने 'फळ महोत्सव' होणार आहे.