राज्यातील शेत,पाणंद रस्त्यांबाबत राज्य सरकारचा मोठा निर्णय! हा कडक नियम लागू होणार

मुंबई : शेतीपर्यंत पोहोचणारे पाणंद रस्ते पूर्ण करण्यासाठी राज्य शासनाने ‘बळीराजा पाणंद रस्ते योजना’ हाती घेतली आहे. मात्र, अनेक ठिकाणी अतिक्रमणामुळे या रस्त्यांच्या कामात अडथळे येत आहेत. त्यामुळे ज्या शेतकऱ्यांनी पाणंद रस्त्यांवर अतिक्रमण केले आहे आणि ती काढण्यास नकार दिला आहे, अशा शेतकऱ्यांना कोणत्याही सरकारी योजनेचा लाभ न देण्याचा तसेच चालू लाभ थांबवण्याचा प्रस्ताव शासनाच्या विचाराधीन आहे. या प्रस्तावावर लवकरच मंत्रीमंडळात निर्णय होण्याची शक्यता वर्तवली जात आहे.