सातबारा उताऱ्यासंदर्भात भूमी अभिलेख विभागाचा मोठा निर्णय!

पुणे : महाराष्ट्रातील महसूल प्रशासनात मोठा बदल घडत असून आहे. सातबारा उताऱ्यातील फेरफार, न्यायालयीन प्रकरणे आणि महाराष्ट्र महसूल संहितेतील अपिलांशी संबंधित नोटिसा देण्याची प्रक्रिया आता पूर्णपणे अधिक पारदर्शक आणि तंत्रज्ञानाधिष्ठित होणार आहे. यापुढे या सर्व नोटिसा तलाठ्यांकडून थेट पोस्ट ऑफिसच्या ऑनलाइन प्रणालीद्वारे पाठवण्यात येणार आहेत. पोस्ट ऑफिसमार्फत या नोटिसा थेट संबंधित पक्षकारांपर्यंत पोहोचवण्यात येतील, त्यामुळे नोटीस मिळाली की नाही, याबाबतचा संभ्रम दूर होणार आहे.