Ajit Pawar Plane Crash : अखेर अजित पवारांच्या विमानाचा ब्लॅक बॉक्स सापडला, मृत्यूच्या 24 तासांनंतर मोठी बातमी समोर

अजित पवारांच्या मृत्यूबाबत वेगवेगळी माहिती समोर येत आहेत. पण त्यांच्या मृत्यूचं नेमकं कारण उलगडणार तो म्हणजे एक छोटासा बॉक्स, विमानातील ब्लॅक बॉक्स. जो अखेर सापडला आहे. अजित पवारांच्या मृत्यूच्या 24 तासांनंतर मोठी माहिती समोर आली आहे.

विमानाचा ब्लॅक बॉक्स एका अतिशय खास तंत्राचा वापर करून बनवलेला असतो. जेणेकरून तो अपघात, आग, पाणी आणि धक्क्यांना तोंड देऊ शकेल. मजबूत मटेरियलपासून बनवलेला ब्लॅक बॉक्सचा बाह्य भाग टायटॅनियम किंवा स्टेनलेस स्टीलचा बनलेला आहे, जो एक अतिशय शक्तिशाली धातू आहे.

ब्लॅक बॉक्सच्या आत अनेक थर आहेत, ज्यामध्ये इन्सुलेशन, थर्मल प्रोटेक्शन आणि शॉक अ‍ॅब्सॉर्बर यांचा समावेश आहे, जे कोणत्याही टक्कर किंवा तापमानापासून आत डेटाचं संरक्षण करतात.

1100°C पर्यंतच्या आगीत सुमारे 60 मिनिटे टिकून राहण्यासाठी हे डिझाइन केलेलंआहे. म्हणजे, विमान जळले तरी त्याचा डेटा सुरक्षित राहतो.  जर विमान समुद्रात पडलं तर हा ब्लॅक बॉक्स 20,000 फूट खोलीपर्यंत पाणी आणि दाब सहन करू शकतो. ब्लॅक बॉक्समध्ये पाण्याखालील लोकेटर बीकन असतं, जो पाण्यात पडल्यावर सिग्नल पाठवतो. हा सिग्नल सुमारे 30 दिवस टिकतो, जो शोध पथकाला ते शोधण्यास मदत करतो.

अजित पवारांच्या विमानातील असाच ब्लॅक बॉक्स सापडला असून तो आता डिकोड करण्यात येणार आहे. फ्लाइट डेटा रेकॉर्डरमुळे (FDR) विमानाचा वेग, उंची आणि इंधनाची माहिती मिळणार आहे. तर कॉकपिट व्हॉइस रेकॉर्डरमुळे (CVR) वैमानिकांमधील शेवटच्या क्षणांचे संभाषण समोर येईल. हा डेटा डिकोड करण्यासाठी किमान 3 ते 4 आठवड्यांचा कालावधी लागणार असून त्यानंतरच अपघाताचे नेमकं  कारण स्पष्ट होईल.