सोयाबीनमधील ओलावा कमी झाला असून यामुळे देखील दरावर परिणाम होत आहे. बीज तयार करणाऱ्या कंपन्या सोयाबीन खरेदी करत असून बीज क्वालिटीचे सोयाबीन पाच हजार ते सहा हजार रुपये क्विंटलने विक्री होत आहे. बाजारामध्ये दररोज दहा ते बारा हजार क्विंटलची आवक येत आहे. हीच आवक दिवाळी आधी 30,000 क्विंटल पर्यंत पोहोचली होती.
advertisement
तुरीवर अळीचा प्रादुर्भाव? असं करा रोग व्यवस्थापन, कृषी तज्ज्ञांच्या महत्त्वाचा सल्ला
बाजारामध्ये विस्तारा नावाच्या नवीन वाणाला सहा हजार ते 6100 रुपये प्रति क्विंटल असा दर मिळतोय. ग्रीन गोल्ड या वाणाला 4800 ते 5000 रुपये प्रति क्विंटल असा दर मिळतोय. तर फुले संगम या वाणाला 4800 प्रतिक्विंटल अशा पद्धतीचा दर मिळत आहे. तर सर्वसाधारण सोयाबीनला 10 ते 12 आर्द्रता असेल तर 4600 क्विंटल असा दर मिळत आहे.
आगामी काळात सोयाबीनचे दर हे 5000 रुपये प्रति क्विंटल पर्यंत पोहोचू शकतात, अशी शक्यता जालना येथील व्यापारी अशोक पाचफुले यांनी लोकल 18 बरोबर बोलताना व्यक्त केली.