मक्याचे दर गडगडले
राज्याच्या कृषीमार्केट मध्ये आज एकूण 53 हजार 684 क्विंटल मक्याची आवक झाली. यापैकी नाशिक मार्केटमध्ये 9 हजार 527 क्विंटल सर्वाधिक आवक झाली. त्यास मक्याच्या प्रतीनुसार कमीत कमी 1317 ते जास्तीत जास्त 2001 रुपये प्रतिक्विंटल बाजार भाव मिळाला. तसेच पुणे मार्केटमध्ये आवक झालेल्या 16 क्विंटल मक्यास 2106 रुपये सर्वाधिक बाजारभाव मिळाला.
advertisement
कांद्याची उच्चांकी आवक मात्र भाव दबावातच
राज्याच्या मार्केटमध्ये आज 1 लाख, 93 हजार 581 क्विंटल कांद्याची एकूण आवक झाली. यापैकी 1 लाख, 214 क्विंटल सर्वाधिक आवक नाशिक बाजारात झाली. त्यास प्रतीनुसार कमीत कमी 341 ते जास्तीत जास्त 1888 रुपयांपर्यंत बाजार भाव मिळाला. तसेच सोलापूर मार्केटमध्ये आवक झालेल्या 702 क्विंटल कांद्यास 200 ते 3300 रुपये दरम्यान सर्वाधिक बाजारभाव मिळाला.
सोयाबीनची आवक
राज्याच्या मार्केटमध्ये 67 हजार 170 क्विंटल सोयाबीनची एकूण आवक झाली. यापैकी जालना मार्केटमध्ये सर्वाधिक 3 हजार 046 क्विंटल आवक राहिली. त्यास प्रतीनुसार 3988 ते 5455 रुपये प्रतिक्विंटल बाजार भाव मिळाला. तसेच यवतमाळ मार्केटमध्ये आवक झालेल्या 2381 क्विंटल पिवळ्या सोयाबीनला प्रतीनुसार 4885 ते 5018 प्रमाणे बाजारभाव मिळाला.