पुखराज रत्नाचा संबंध गुरू ग्रहाशी मानला जातो. पुखराज धारण केल्याने ऐश्वर्य आणि ज्ञानाची प्राप्ती होते. त्याचबरोबर समाजात व्यक्तीचा मान-सन्मान वाढतो. धनप्राप्तीचे नवीन मार्ग खुले होतात आणि व्यक्तीची विचारसरणी सकारात्मक होते. पुखराज परिधान करण्याचे लाभ आणि तो धारण करण्याची पद्धत जाणून घेऊया.
पुखराज कसा असतो -
बाजारात सीलोनी पुखराज सर्वात चांगल्या प्रतीचा मिळतो, परंतु तो थोडा महाग असतो. पुखराजला इंग्रजीमध्ये यलो सफायर (Yellow Sapphire) म्हणतात. पुखराज फिकट पिवळा आणि गडद पिवळा अशा दोन्ही रंगांमध्ये येतो. बँकॉकचा पुखराज थोडा स्वस्त मिळतो.
advertisement
पुखराज धारण केल्याने व्यक्तीला समाजात मान-सन्मान मिळतो. व्यक्तीचा कल अध्यात्माकडे वाढतो. पुखराज धारण केल्याने करिअर आणि व्यवसायात प्रगती होते. जे लोक ज्योतिष, अध्यात्म किंवा शिक्षण क्षेत्राशी जोडलेले आहेत, ते लोक पुखराज धारण करू शकतात.
पुखराज धारण केल्याने व्यक्तीच्या ज्ञानात वाढ होते आणि करिअरमध्ये यशाचे नवीन मार्ग खुले होऊ लागतात.
कोणत्या राशीचे लोक पुखराज धारण करू शकतात -
वैदिक ज्योतिषशास्त्रानुसार धनू आणि मीन राशीचे स्वामी गुरू आहेत, त्यामुळे या दोन राशीचे लोक हे रत्न धारण करू शकतात. या दोन्ही राशीचे लोक स्वभावाने खूप मेहनती आणि साहसी असतात.
मोबाईल नंबरच्या शेवटी हा क्रमांक म्हणजे काम कमी अन्..! शनिशी संबंधित असल्यानं
याशिवाय, ज्यांच्या जन्मकुंडलीत गुरू ग्रह उच्च किंवा शुभ स्थितीत असेल, ते लोक पुखराज घालू शकतात. तूळ लग्नाचा असलेल्या व्यक्ती पुखराज धारण करू शकतात, कारण गुरू त्यांच्या कुंडलीतील पंचम (पाचव्या) स्थानाचे स्वामी असतात. तुम्ही पुखराज घालत असाल, तर हिरा घालू नये. तसेच, जर कुंडलीत गुरू ग्रह नीच (दुर्बळ) असेल, तर पुखराज धारण करणे टाळावे.
पुखराज धारण करण्याची पद्धत
रत्नशास्त्रानुसार, पुखराज कमीतकमी ५ किंवा ७ कॅरेटचा धारण करावा. हा रत्न सोन्याच्या अंगठीत घालून परिधान करावा. पुखराज धारण करण्यासाठी गुरुवार हा दिवस सर्वात शुभ मानला जातो. पुखराजची अंगठी उजव्या हाताच्या तर्जनी (पहिले बोट) मध्ये घालावी आणि गुरूच्या बीज मंत्राचा जप करत असताना ती धारण करावी.
दिवाळीतच संकट! गुरुची अतिचारी स्थिती या राशीच्या लोकांना त्रासदायक, कामात विघ्ने
(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)