TRENDING:
पोलिसांनी फिर्यादी शमा फिरोज शेख यांनी दिलेल्या फिर्यादीवरून पती फिरोज खाजा शेख, सासू लैला खाजा शेख आणि सासरे ख्वाजा वजीर शेख यांच्या विरोधात बार्शी तालुका पोलीस ठाण्यात गुन्हा नोंद केला आहे.
मिळालेल्या माहितीनुसार शमा शेख आणि फिरोज शेख यांचे 2009 मध्ये आंतरजातीय विवाह झाला असून त्यांना पाच मुले आहेत. मंगळवारी 6 जानेवारी रोजी रात्री दहा वाजण्याच्या सुमारास फिर्यादीचे पती फिरोज शेख यांनी त्याची मोठी मुलगी सानिया हिचे लग्न जमवण्यासाठी मोबाईलमध्ये एका मुलाचा फोटो दाखवला होता. पण मुलीने मोबाईलवरील फोटो पाहून हो किंवा नाही असे काहीच उत्तर न देता मौन पाळले. मुलीने काहीही न सांगितल्याने वडील फिरोज यांनी मुलीला हाताने मारहाण करण्यास सुरुवात केली.
advertisement
मुंबई-पुणे प्रवास आता सुसाट, 'खंडाळा घाट' टाळता येणार, प्रवासाचा वेळ वाचणार, गेमचेंजर प्लॅन काय?
मुलगी सानिया शेख हिला वडील मारत आहे हे पाहून पत्नी शमा सोडवण्यासाठीमध्ये गेली होती. सानिया लग्नाला नकार का देतेस? असे म्हणत सासरा खाजा शेख यांनी फिर्यादीचे हात पकडले तर सासूने केस ओढले. याचवेळी पती फिरोज शेख याने पत्नी शमा याच्या उजव्या हाताच्या दंडावर, मनगटावर आणि पाठीवर कुऱ्हाडीच्या लाकडी दांडक्याने मारहाण करत गंभीर जखमी केले. शिवीगाळ करून जिवे मारण्याची धमकी दिली. जखमी शमा शेख यांनी बार्शी येथील ग्रामीण रुग्णालयात उपचार घेतल्यानंतर बार्शी तालुका पोलीस ठाण्यात पती, सासू आणि सासरे यांच्या विरोधात गुन्हा दाखल केला आहे या घटनेचा अधिक तपास पोलीस हवालदार शिंदे हे करत आहेत.