मुंबई-पुणे प्रवास आता सुसाट, 'खंडाळा घाट' टाळता येणार, प्रवासाचा वेळ वाचणार, गेमचेंजर प्लॅन काय?

पुणे: मुंबई–पुणे एक्सप्रेस-वेवर मोठ्या प्रमाणात वाहतूक कोंडीचा सामना नागरिकांना करावा लागत होता. तासन्‌तास वाहने एका ठिकाणी अडकून पडत होती, कित्येक किलोमीटरपर्यंत वाहनांच्या लांबच लांब रांगा लागत होत्या. यामुळे प्रवाशांना मोठ्या मनस्तापाचा सामना करावा लागत होता. मात्र, आता या वाहतूक कोंडीतून प्रवाशांची सुटका होणार आहे. कारण एक्सप्रेस-वे मार्गे मुंबईहून पुण्याकडे जाताना खंडाळा घाट टाळता येणार आहे. महत्त्वाकांक्षी मिसिंग लिंक प्रकल्पाचे काम आता अंतिम टप्प्यात आले आहे. हा नवा मार्ग तयार झाल्यानंतर लोणावळा–खंडाळा घाटातून जाण्याची गरज भासणार नाही. त्यामुळे प्रवाशांची मोठ्या प्रमाणात वेळेची बचत होणार आहे.