TRENDING:
भक्तीचा विजय की चोराची फजिती?
ही घटना घडली एका अशा घरात, जिथले सदस्य मोठ्या श्रद्धेने 'खाटू श्याम' यांच्या दर्शनासाठी घराला कुलूप लावून गेले होते. घर कित्येक तास बंद राहणार हे पाहून एका चोराच्या मनात पाल चुकचुकली. त्याला वाटले की आज नशिबाची साथ मिळेल आणि हात साफ करण्याची सुवर्णसंधी चालून आली आहे. पण त्याला काय ठाऊक, की ज्या घराचे मालक देवाच्या चरणी गेले आहेत, तिथे त्याचं नशीब त्याला असं काही साथ सोडेल की त्याची मोठी फजिती होईल.
advertisement
मुख्य दरवाजा सोडून 'शॉर्टकट' निवडला अन्...
चोराने सावधगिरी म्हणून मुख्य दरवाजाऐवजी भिंतीतील एका लहान छिद्राचा (एक्झॉस्ट फॅन किंवा इतर कारणासाठी असलेले होल) आधार घेऊन घरात शिरण्याचा प्रयत्न केला. त्याने मोठ्या उत्साहात डोकं आणि अर्ध शरीर त्या होलमध्ये घातलं खरं, पण नियतीला काहीतरी वेगळंच मान्य होतं. चोराचं डोकं आत गेलं, पण त्याचं शरीर त्या लहान छिद्रात असा काही फेरा धरून बसलं की तो तिथेच अडकला.
बाहेर पडण्यासाठी त्याने खूप धडपड केली, हातपाय झाडले, पण तो इंचभरही हलू शकला नाही. अखेर रडकुंडीला आलेला हा चोर तासनतास त्याच अवस्थेत लटकत राहिला.
दर्शनाहून परतल्यावर मालकाचा उडाला थरकाप
जेव्हा घरातील लोक खाटू श्यामचे दर्शन घेऊन आनंदाने घरी परतले, तेव्हा त्यांना घराच्या भिंतीतून काहीतरी विचित्र हालचाल दिसली. दुरून पाहताना कोणीतरी तिथे अडकल्यासारखे वाटत होते. मालकाने घाबरतच जवळ जाऊन पाहिले, तेव्हा त्यांच्या पायाखालची जमीनच सरकली. भिंतीत एक माणूस अर्धा आत आणि अर्धा बाहेर अशा स्थितीत अडकलेला होता. सुरुवातीला धक्का बसलेले मालक, नंतर चोराची ती केविलवाणी अवस्था पाहून अवाक झाले.
पोलिसांच्या एंट्रीने झाला 'गेम ओव्हर'
मालकाने आरडाओरडा करण्याऐवजी तातडीने पोलिसांना पाचारण केले. पोलिसांनी घटनास्थळी पोहोचून त्या 'फसलेल्या' महाशयांना मोठ्या मुश्कीलीने बाहेर काढले. हा चोर नक्की किती वेळेपासून तिथे लटकत होता, हे अद्याप स्पष्ट झालेले नाही. तो चोर सध्या पोलिसांच्या ताब्यात असून त्याने अद्याप मौन धारण केले आहे.
सोशल मीडियावर या घटनेचा व्हिडिओ व्हायरल झाल्यावर नेटकरी म्हणत आहेत, "चोरी करण्याआधी जिम लावून शरीर लवचिक करायला हवं होतं" तर कोणी म्हणतंय, "ही खाटू श्यामचीच माया!" काहीही असो, पण या घटनेने हे सिद्ध केलंय की चुकीच्या कामाचा शेवट हा नेहमीच फजितीने होतो.