1986 मध्ये प्रदर्शित झालेल्या या बहुचर्चित चित्रपटाचं नाव 'लव अँड गॉड' असं आहे. निम्मी आणि संजीव कुमार या चित्रपटात महत्त्वाच्या भूमिकेत होते. 'मुगल-ए-आझम' सारखा भव्य आणि ब्लॉकबस्टर चित्रपट बनवणाऱ्या के. आसिफने या चित्रपटाचं दिग्दर्शन केलं होतं. मुगल-ए-आझम प्रमाणेच के. आसिफ यांना ‘लव अँड गॉड’ हा चित्रपट खूप मोठ्या प्रमाणात तयार करायचा होता. पण दुर्दैवाने त्यांना त्यात यश आलं नाही.
advertisement
40 कोटींच्या ड्रग्ज प्रकरणात अडकला, 'स्टूडेंट ऑफ द ईयर'मधील 'तो' अभिनेता कोण?
मुगल-ए-आजम सारख्या महान चित्रपटाची निर्मिती केल्यानंतर के. आसिफ यांना 'लव अँड गॉड' हादेखील एक ऐतिहासिक चित्रपट निर्माण करायचा होता. लैला-मजनू यांच्या प्रेमकथेवर आधारित हा चित्रपट होता. या चित्रपटात अभिनेत्री निम्मीने लैला आणि संजीव कुमारने मजनूची भूमिका साकारली होती. संजीव कुमारआधी गुरु दत्त या चित्रपटात मजनूची भूमिका साकारणार होते.
अन् अभिनेत्याचा मृत्यू...
के आसिफने गुरु दत्त साहब यांची आपल्या 'लव अँड गॉड' चित्रपटातील मजनूच्या भूमिकेसाठी निवड केली होती. त्यादरम्यान गुरू दत्त यांना आपल्या वैयक्तिक आयुष्यात अनेक अडचणींचा सामना करावा लागत होता. बॉक्स ऑफिसवर त्यांचे चित्रपट फ्लॉप होत होते त्यामुळे त्यांना मोठ्या प्रमाणात आर्थिक अडचणींचा सामना करावा लागत होता. पत्नी गीता दत्तनेही आपलं घर सोडलं होतं. त्यानंतर अचानक गुरू दत्त यांचे निधन झाले आणि 'लव अँड गॉड' चित्रपटाचं चित्रीकरण थांबवण्यात आलं.
दिग्दर्शकाचं निधन, चित्रपट फ्लॉप
गुरु दत्तच्या निधनानंतर के.आसिफने संजीव कुमारला मजनूच्या भूमिकेसाठी निवडलं. त्यानंतर पुन्हा एकदा चित्रपटाच्या शूटिंगला खऱ्या अर्थाने सुरुवात झाली. अशातच 1971 मध्ये दिग्दर्शक के. आसिफचे निधन झाले आणि चित्रपटाचे शूटिंग थांबविण्यात आले. पण संजीव कुमारला के. आसिफ यांचं स्वप्नवत प्रोजेक्ट पूर्ण करायचं होतं. त्यामुळे त्यांनी अनेक निर्मात्यांना याबद्दल विचारणा केली. निर्माते केसी बोकाडियाने या चित्रपटासाठी अर्थसहाय्य देण्यास ठरवले. त्यानंतर पुन्हा एकदा या चित्रपटाच्या शूटिंगला सुरुवात झाली. दरम्यान संजीव कुमारचे हृदयविकाराच्या झटक्याने निधन झाले. अखेर 23 वर्षांनी 1986 मध्ये 'लव्ह अँड गॉड' हा चित्रपट रिलीज झाला. पण बॉक्स ऑफिसवर मात्र हा चित्रपट पूर्णपणे फ्लॉप ठरला.