भट्ट कुटुंबीय हे बॉलिवूडमधील एक चर्चेतील नाव. पण अलीकडे एका खासगी मुलाखतीत या कुटुंबातील सदस्याने जे वक्तव्य केलं आहे, त्यामुळे पुन्हा एकदा या घराचं कौटुंबिक नातेसंबंध चर्चेत आले आहेत. दिग्दर्शक महेश भट्ट यांचा मुलगा आणि अभिनेत्री पूजा भट्टचा भाऊ राहुल भट्टने अलीकडे दिलेल्या एका मुलाखतीत आपल्या सख्ख्या बहिणीचे कौतुक करताना, तिची तुलना सावत्र बहीण आलिया भट्टशी करत आलियाला कमी लेखलं आहे.
advertisement
"आलिया म्हणजे पाणी कमी चहा"
हिंदी रशला दिलेल्या मुलाखतीत राहुल भट्ट म्हणाला, “जर कोणी मला विचारलं की भट्ट कुटुंबाची खरी वारसदार कोण आहे, तर मी एक क्षणही न दवडता ‘पूजा भट्ट’चं नाव घेईन. आलिया तिच्या समोर काहीच नाही, न लूक्समध्ये, न टॅलेंटमध्ये, न सेक्सीनेसमध्ये. पूजा ही सगळ्यांत टॅलेंटेड आहे”
Pahalgam Terrorist Attack : 'एकाही निरपराध्याला मारणे म्हणजे...' पहलगाम हल्ल्यावर सलमान खान भडकला
राहुलची रणबीरवरही वादग्रस्त टिप्पणी
आलिया भट्टचा नवरा आणि बॉलिवूड सुपरस्टार रणबीर कपूरवरही राहुलने आपलं मत व्यक्त करत म्हटलं, “तो चांगला वडील आहे, एवढंच मला महत्त्वाचं वाटतं. बाकी तो अभिनेता आहे का, एनिमल आहे का, कपूर आहे का, मला फरक पडत नाही. तो माझ्या बहिणीचा आदर करतो, आणि आपल्या मुलीवर प्रेम करतो, हीच चांगली गोष्ट आहे.”
भट्ट कुटुंबातील नातेसंबंध पुन्हा चर्चेत
महेश भट्ट यांनी पहिली पत्नी किरण भट्टसोबत पूजा आणि राहुलला जन्म दिला, तर दुसऱ्या पत्नी सोनी राजदानसोबत आलिया आणि शाहीन यांना जन्म दिला. विशेष म्हणजे, दुसऱ्या पत्नीसोबत लग्न करण्यासाठी महेश भट्ट यांनी इस्लाम स्वीकारला होता, जेणेकरून त्यांना पहिल्या पत्नीला घटस्फोट द्यावा लागू नये.
राहुल भट्टचं हे विधान सध्या सोशल मीडियावर मोठ्या प्रमाणात व्हायरल होत आहे. अनेकांनी राहुलला टीकेचं धनी केलं आहे, तर काहींनी त्याच्या स्पष्टवक्तेपणाचं स्वागतही केलं आहे. भट्ट कुटुंबाचा हा ‘घरचा वाद’ आता सार्वजनिक झाला असून, या विधानांवर आलिया किंवा पूजा यांची प्रतिक्रिया येते का, हे पाहणं महत्त्वाचं ठरणार आहे.