Success Story: विषमुक्त शेती अन् थेट विक्रीतून ग्राहकांना ताज्या भाज्या, शेतकरी योगेश यांनी निवडला वेगळा मार्ग, कमाई तर पाहाच Video

गेल्या दोन वर्षांपासून योगेश स्वतः आठवड्याच्या शेवटी कोथरूड येथील गांधीभवन परिसरात शेतमाल घेऊन जातात. ग्राहकांना शेतातून आलेल्या ताज्या भाज्या थेट मिळाव्यात, यासाठी ते स्वतः दर ठरवतात आणि माल विकतात. शेतकरीच दर ठरवणार आणि ग्राहकांना खात्रीशीर ताजं अन्न मिळणार, हा त्यांचा विश्वास आहे. उत्तम प्रतिसाद मिळत असून अनेक ग्राहक चव्हाण यांना स्वतः शोधून शेतमाल खरेदी करतात. शेतातला ताजा माल ताटात आणण्याचा प्रयत्न करत आहे. ग्राहकांनाही हे पटतंय, असे योगेश सांगतात.

कर्टूले हे त्यांच्या शेतीतील महत्त्वाचे पीक आहे. अर्ध्या एकरात ते 400 ते 450 किलो कर्टूले काढतात. या पिकातून साधारण दीड लाख रुपयांपर्यंत उत्पन्न मिळते. या पिकाचा सर्वात मोठा फायदा म्हणजे खर्च कमी होतो आणि एकदा लावलेले कंद सलग 8 वर्षांपर्यंत टिकतात. साधारण तीन महिन्यांचा हंगाम असलेले हे पीक 5 ते 6 महिन्यांपर्यंत विक्रीसाठी राहते.