सतत एकमेकींशी भांडण्याऱ्या सासू-सुनांनी प्रार्थना-निर्मिती सावंतचा Video बघायलाच हवा, 29 व्या सेकंदाला येईल डोळ्यात पाणी

'बाईपण भारी देवा' या सिनेमानंतर दिग्दर्शक केदार शिंदे 'अगं अगं सूनबाई! काय म्हणताय सासूबाई?' हा सिनेमा प्रेक्षकांच्या भेटीला घेऊन आले आहेत. सिनेमाचा धमाल टीझर रिलीज झाला आहे.  या सिनेमाच्या निमित्तानं प्रार्थना बेहरे आणि निर्मिती सावंत पहिल्यांदाच एकत्र पडद्यावर झळकणार आहेत. सासू-सुनेची एक हटके, ताकदवान आणि तितकीच खमंग जोडी प्रेक्षकांना पाहायला मिळणार आहे.

advertisement

( क्रांती रेडकरने अखेर दाखवला लेकींचा चेहरा, पण जुळ्या बहि‍णींमधील छबील कोण आणि गोदो कोण? )

टीझरमध्येच दोघींची जुगलबंदी, टोमणे, मिश्किल संवाद आणि भावनिक क्षण यांचा सुरेख मेळ पाहायला मिळतोय. प्रार्थना बेहरे आधुनिक, आत्मविश्वासू आणि स्पष्टवक्ती सून म्हणून दिसत आहे, तर निर्मिती सावंत पारंपरिक, ठाम मतांच्या आणि अनुभवसंपन्न सासूबाईंच्या भूमिकेत आहेत.

दोन पिढ्या, दोन विचारधारा आणि दोन कणखर स्त्रिया यांच्यातील नात्याचं गोड-तिखट, हलकंफुलकं तरीही अर्थपूर्ण चित्रण या चित्रपटाचं प्रमुख वैशिष्ट्य ठरणार आहे. समाजात नेहमी म्हटलं जातं की, प्रत्येक पुरुषाच्या मागे एक स्त्री असते', परंतु एका स्त्रीच्या मागे दुसरी स्त्री ठामपणे उभी राहिली तर, ती नाती किती बळकट होऊ शकतात, हाच विचार हा चित्रपट अतिशय सहज आणि प्रभावीपणे मांडतो.

सिनेमाविषयी बोलताना दिग्दर्शक केदार शिंदे म्हणाले, "ही कथा आजच्या काळातील सासू-सुनेच्या नात्याची आहे. दोघीही स्वतंत्र विचारांच्या आहेत, स्वतःच्या मतांवर ठाम आहेत. त्यामुळे मतभेद होतात, नोकझोक होते, परंतु त्याचबरोबर दोघींच्या समजूतदारपणाची आणि त्यांच्या तरल नात्याची सुंदर कहाणी यात आहे. सासू आणि सून एकमेकींच्या आयुष्यात आधार बनू शकतात, ही भावना या चित्रपटाचा गाभा आहे."

'अगं अगं सूनबाई! काय म्हणताय सासूबाई?' हा सिनेमात सासू–सुनेच्या नात्याची एक नवी, ताजीतवानी आणि विचारप्रवर्तक ओळख देणारी आहे. येत्या 16 जानेवारी पासून हा सिनेमा प्रेक्षकांच्या भेटीला येणार आहे.