रूपेरी पडदा गाजवणारे अभिनेते आणि दिग्दर्शक सचिन पिळगावकर नुकतेच मिरास-फेस्टिव्हल ऑफ हिंदुस्तानी कल्चर अँड लिटरेचर या कार्यक्रमात सहभागी झाले होते. तेव्हा त्यांनी त्यांचं उर्दू भाषेवरील प्रेम आणि उर्दू भाषा शिकण्याचा प्रवास सांगितला. सचिन पिळगावकर यांच्या उत्तर उर्दू भाषेसाठी बॉलिवूडची प्रसिद्ध ट्रॅजिटी क्विननं अत्यंत महत्त्वाची भूमिका बजावली आहे.
हेही वाचा - सिनेमातून काढून टाकायचे, इंडस्ट्री सोडली अन् अभिनेत्री आज 650 कोटींची मालकीण
advertisement
सचिन पिळगावकर यांनी हिंदी सिनेमात बालकलाकार म्हणून काम करायला सुरूवात केली. ऋषीकेश मुखर्जी यांच्या मजली दीदी या सिनेमात सचिन पिळगावकर यांनी काम केलं. या सिनेमात ट्रॅजिडी क्विन मीना कुमारी मजली दीदीची प्रमुख भूमिका साकारत होते. सिनेमाच्या शुटींगवेळी सचिन पिळगावकर आणि मीना कुमारी यांची भेट झाली. मीना कुमारीला सचिन यांचा अभिनय आवडला.
एकेदिवशी मीना कुमारी यांनी सचिन यांना बोलावून तू घरी कोणती भाषा बोलतोस असं विचारलं. त्यावर सचिन यांनी मराठी बोलतो असं सांगितलं. मग तू हिंदी कधी बोलतोस असा प्रश्न मीना कुमारींनी विचारला. तेव्हा सचिन म्हणाले फक्त सेटवर आल्यावर हिंदी बोलतो.
या प्रसंगानंतर मीना कुमारी यांनी सचिन पिळगावकर यांच्या आई-वडिलांना सेटवर बोलावलं आणि तुमचा मुलगा खूप चांगला अभिनेता आहे. पण त्याच्या हिंदीमध्ये मराठीचा लहेजा आहे. त्याला उर्दू बोलता येणं गरजेचं आहे. त्याला माझ्याकडे पाठवा.
मीना कुमारी यांच्याकडे सचिन पिळगावकर फार लहान असताना उर्दू भाषा शिकण्यासाठी जात असत. आठवड्यातून चार दिवस ते मीना कुमारींच्या घरी जात. घरी गेल्यानंतर आधी ते टेबल टेनिस खेळत त्यानंतर एक तास उर्दूची शिकवणी होत.