TRENDING:
दोन मित्रांनी सुरू केला व्यवसाय
श्री यशवंत साई पोहा पॉइंट हे दोन मित्रांनी सुरू केलेलं स्टॉल आहे. बंटी धरमठोक आणि कपिल कोचर दोघांनीही वेगवेगळे स्टॉल सुरू केले होते. नंतर कोरोना काळात त्यांनी दोघांचेही स्टॉल एक करून हा नवीन व्यवसाय सुरू केला. त्यांच्याकडील भजे पोहे अतिशय प्रसिद्ध आहेत.
Kelful Recipe : हिवाळ्यात शरिराला आरोग्यदायी, घरीच बनवा केळफुलाची भाजी, रेसिपीचा संपूर्ण Video
advertisement
भजी पोह्यांसाठी प्रसिद्ध स्टॉल
त्यांच्याकडील पोहे हे विशेष आहेत. कारण पोह्यांसोबत देण्यासाठी ते बारीक भजी बनवतात. त्याचबरोबर तरीदार रस्सा देखील तयार करतात. अगदी बारीक भजी बनवून ती आधी प्लेटमध्ये द्यायची. त्यानंतर पोहे, त्यावर रस्सा, रस्यामध्ये टोमॅटो, बारीक चिरलेला कांदा, लिंबू आणि मिरची अशा पद्धतीने ते प्रत्येक ग्राहकाला पोहे बनवून देतात. ही पोह्यांची प्लेट 30 रुपयांनी ते विक्री करतात.
दिवसाला 300 प्लेट पोह्यांची विक्री
दिवसाला 25 ते 30 किलो पोहे म्हणजेच 300 प्लेट पोह्यांची विक्री ते करतात. वरूड हे शहर मध्य प्रदेशच्या सीमेला लागून असल्याने याठिकाणी दिवसभर प्रवाशांची गर्दी असते. आल्यानंतर सर्वात आधी नाश्ता करायचा म्हटलं तर सर्वजण पोह्यांना प्राधान्य देतात. ग्राहकांना बेस्ट पोहे आपल्याकडून मिळावे यासाठी दोघेही मित्र सकाळी 6.00 वाजतापासून मेहनत घेतात.