गुलाब आणि दूध लिप बाम : गुलाबाच्या सहा पाकळ्यांना तुम्ही अर्धा कप दुधात रात्रभर भिजवून ठेवा. सकाळी पाकळ्या काढून त्यांना मॅश करा आणि त्याची पेस्ट बनवा. ही पेस्ट दुधात मिसळून ओठांवर 15 मिनिट लावावी आणि मग धुवून टाकावी.
Health Tips : मधात मिसळून दररोज खा 2 गोष्टी, काही दिवसात चषमा उतरलाच म्हणून समजा
advertisement
गुलाब आणि बदाम लिप बाम : गुलाबाच्या पाकळ्यांमध्ये बदामाचे तेल, शिया बटर आणि बी वॅक्स मिसळा. हे मिश्रण मायक्रोव्हेवमध्ये गरम करा आणि काहीवेळाने थंड होण्यासाठी फ्रिजमध्ये ठेवा. हे मिश्रण तुम्ही दररोज ओठांवर लावू शकता.
बिठापासून तयार झालेले लिप बाम : बिटला बारीक किसून सुती कपड्याच्या मदतीने त्याचा रस काढून घ्या. या रसामध्ये खोबरेल तेल, व्हिटॅमिन इ कॅप्सूल इत्यादी एकत्र करून नीट मिक्स करून घ्या. अशा प्रकारे तुमचे बिट लीप बाम तयार होते.
ग्रीन टी लिप बाम : ग्रीन टी लीप बाम तयार करण्यासाठी तुम्ही सर्वप्रथम नारळाचे तेल गरम करून घ्या आणि त्यात ग्रीन टी चे सॅशे डुबवून ठेवा. मग यात बी जवॅक्स देखील मिसळून हे मिश्रण मायक्रोव्हेवमध्ये ठेवा. मग लीप बाम थंड झालं की ते तुम्ही दररोज ओठांवर लावण्यासाठी वापरू शकता.
शिया बटर लिप बाम : शिया बटर लीप बाम बनवण्यासाठी शिया बटर आणि नारळाचे तेल मिक्स करा मग यात बी वॅक्स टाका आणि त्याला वितळवा. तुम्ही हे लीप बाम दररोज लावू शकता आणि काही दिवसातच ओठांवर याचा चांगला फरक तुम्हाला कळून येईल.