मार्केटमध्ये अनेक प्रकारची पोर्टेबल वॉशिंग मशीन्स उपलब्ध आहेत. त्यांची क्षमता 9 लिटरपर्यंत आहे. हे मशीन सहसा कपडे धुण्यासाठी वापरलं जातं; पण याचा वापर तुम्ही लस्सी बनवण्यासाठीदेखील करू शकता. हे लहान वॉशिंग मशीन एका ठिकाणाहून दुसऱ्या ठिकाणी अगदी सहज हलवता येतं. जे लोक लहान अपार्टमेंटमध्ये राहतात, प्रवास करतात किंवा कॅम्पिंगला जातात त्यांच्यासाठी हे खूप उपयुक्त आहे. त्याचा आकार खूपच लहान आहे आणि वापरल्यानंतर ते सहजपणे फोल्ड केलं जाऊ शकतं. फोल्ड केल्यानंतर ते प्लेटसारखं दिसतं. या मशीनच्या निर्मितीमध्ये टीआरपी मटेरियलचा वापर झाला आहे.
advertisement
या फोल्डेबल वॉशिंग मशीनमध्ये सहज लस्सी सहज बनवता येते. मशीनमध्ये दही, पाणी, साखर आणि थोडा बर्फ घालायचा आहे. इच्छा असल्यात त्यात केशर घालून 'केशर लस्सी'देखील बनवू शकता. ज्यांना गुलाब आवडतो ते त्यात रूआफजा घालून गुलाब फ्लेवरची लस्सी बनवू शकतात.
सगळं साहित्य मशीनमध्ये टाकून ते ऑन करताच आतला स्पिनर काम करतो. असं म्हणतात, लस्सी जितकी जास्त वेळ घुसळली जाईल तितकी ती जास्त घट्ट बनते. यामध्ये टाइम सेट करण्यासाठी तीन बटणं आहेत. तुम्ही गरजेनुसार टाइम सेट करू शकता. लस्सी बनवल्यानंतर त्यात पाणी घालून आणि फिरवून हे मशीन सहज स्वच्छ करता येतं. हे पोर्टेबल वॉशिंग मशीन अॅमेझॉन किंवा फ्लिपकार्टवर 1500 ते 2000 रुपयांच्या प्राइस रेंजमध्ये उपलब्ध आहे. तुम्हीदेखील लस्सीचे चाहते असाल आणि घराच्या घरी लस्सी बनवण्याची इच्छा असेल तर या मशीनचा वापर करता येईल.